Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qurmetti demalystamyn, eshqaıda ketken joqpyn – Nursultan Nazarbaev

2022 jyldyń 18 qańtar 2022 17:31

NUR-SULTAN. QazAqparat – QR Tuńǵysh Prezıdenti – Elbasy Nursultan Nazarbaev úndeýinde eldegi qıyn kezeńde óziniń qaıda bolǵanyn aıtty, dep habarlaıdy QazAqparat tilshisi.

«Maǵan kelip jatqan kóptegen ótinishterge jaýap bere otyryp jáne buqaralyq aqparat quraldaryndaǵy jarııalanymdarǵa baılanysty aıtarym mynaý. Men 2019 jyly Prezıdent ókilettigin Qasym-Jomart Toqaevqa bergenimdi, ýaqyttan beri zeınetker ekenimdi, qazirgi ýaqytta Qazaqstannyń astanasynda qurmetti demalysta ekenimdi jáne eshqaıda ketpegenimdi habarlaımyn», - dedi ol halyqqa jasaǵan beıneúndeýinde.

Elbasy Qaýipsizdik keńesiniń tizgini Prezıdent Qasym-Jomart Toqaevtyń qolynda ekenin eske salady.

«Prezıdent Qasym-Jomart Toqaev tolyq bılikke ıe. Ol Qaýipsizdik Keńesiniń tóraǵasy. Jaqyn arada Prezıdent «Nur Otan» partııasynyń tóraǵasy bolyp saılanady. Sondyqtan elıtanyń ishinde eshqandaı janjal nemese qarama-qaıshylyq joq. Bul tóńirektegi qaýesetter múldem negizsiz», - dedi Nursultan Nazarbaev.


Joǵary qaraı