Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qurlyqtyq hokkeı lıgasy: Olımpıada kezinde oıyndar ótpeıdi

2022 jyldyń 28 qańtar 2022 19:04

NUR-SULTAN. QazAqparat - Qurlyqtyq hokkeı lıgasy Qysqy Olımpıada kezeńinde oıyndar ótkizbeý jóninde sheshim qabyldady, dep habarlaıdy QazAqparat tilshisi.

Bul jóninde Qurlyqtyq hokkeı lıgasy málim etti.

QHL klýbtar arasynda Qytaı astanasy - Beıjiń qalasyndaǵy Qysqy Olımpıada kezinde chempıonatty jalǵastyrýǵa baılanysty saýalnama júrgizgen edi. Atalǵan týrnırge qatysyp jatqan 24 komandanyń 16-y oǵan qarsylyǵyn bildirdi.

Osyǵan baılanysty lıga basshylyǵy Olımpıada kezeńinde chempıonatty jalǵastyrmaýǵa sheshim qabyldady.

QHL oıyndarynyń qalǵan bóligi qashan jalǵasatyny jóninde naqty uıǵarym 10 aqpanda jasalady.

Qazir qazaqstandyq «Barys» komandasy 47 oıynnan keıin 48 upaımen 17-orynda tur.

Eske salsaq, koronavırýs jaǵdaıyna baılanysty qurlyqtyq hokkeı lıgasy oıyndary belgisiz merzimge shegerildi.




Perevod Ádiljan Úmbet
Basty sózder: Sport,
Joǵary qaraı