Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» overtaımda TsSKA komandasyna jol berdi

2021 jyldyń 21 qyrkúıek 2021 22:10

NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada Reseıdiń TsSKA (Máskeý) komandasymen ótkizdi, dep habarlaıdy QazAqparat tilshisi.

Eske salsaq, 14 qyrkúıekte Máskeýde ótken oıynda elordalyq klýb qarsylasynan 6:3 esebimen basym túsken bolatyn.

Búgingi kezdesýde eki komanda shabýylǵa kóbirek shyqty. Nátıjesinde 11-mınýta elordalyq Nıkıta Mıhaılıs mergendik tanytty.

Ekinshi kezeńde eki komanda tarapynan esepti ózgertetin birneshe múmkindik bolǵan edi. Degenmen bul sátte hokkeıshiler dáldik kórsete alǵan joq.

Oıynnyń 54-mınýtynda reseılik klýbtan Konstantın Okýlov tarazy basyn teńestirdi. Budan keıin qazaqstandyq komanda hokkeıshileri alǵa qaraı umtyldy.

Negizgi kezeń 1:1 esebimen teń aıaqtalyp, oıyn overtaımǵa ulasty. Overtaımda Konstantın Okýlov jeńis shaıbasyn soǵyp ketti. Osylaısha «Barys» qarsylasyna 1:2 esebimen jol berdi.

Endi «Barys» eki oıynyn elordada ótkizedi. Aldymen 25 qyrkúıekte Reseıdiń «Sıbır» (Novosibir), 27 qyrkúıekte «Avtomobılıst» (Ekaterınbýrg) komandalarymen sheberlik baıqasady.


Avtor Ádiljan Úmbet
Basty sózder: Sport,
Joǵary qaraı