Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» «Neftehımıkten» basym tústi

2021 jyldyń 4 jeltoqsan 2021 22:58

NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn Reseıde «Neftehımık» (Nıjnekamsk) komandasyna qarsy ótkizdi, dep habarlaıdy QazAqparat tilshisi.

Eki komanda búginge deıin 28 márte sheberlik baıqasty. Onyń 16-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Eki komanda arasyndaǵy sońǵy alty kezdesýdiń beseýinde qazaqstandyq klýb jeńiske jetti.

Kezdesý barysynda komandalar bastapqy ýaqyttan shabýylǵa kóbirek kóńil bóldi. Dese de keıbir sátterde óz múmkindigin paıdalana alǵan joq. Birinshi kezeńde tablodaǵy esep ózgerissiz qaldy.

Ekinshi kezeńde «Neftehımık» sapynan Sergeı Kýptsov 30, Pavel Porıadın 33-mınýttarda mergendik tanytty. Oǵan 39-mınýtta qazaqstandyq klýbtan Roman Starchenko bir golmen jaýap qaıyrdy.

Úshinshi kezeńde «Barys» sapynan Kırıll Savıtskıı 47-mınýtta tarazy basyn teńestirse, Kertıs Valk 52-mınýtta elordalyq komandany alǵa shyǵardy. Al 59-mınýtta elordalyq klýbtan Tomash ıÝrcho qorytyndy esepti belgiledi.

Osylaısha «Barys» qarsylasynan 4:2 esebimen basym tústi.

Endi «Barys» 6 jeltoqsanda Reseıde «Ak Bars» (Qazan) komandasymen kezdesedi.

Eske salsaq, «Barys» budan buryn elordada reseılik «Dınamo» (Máskeý) komandasyna ese jiberdi.


Avtor Ádiljan Úmbet
Basty sózder: Sport,
Joǵary qaraı