Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» mınskilik «Dınamony» jeńdi

2021 jyldyń 23 qarasha 2021 22:27

NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada Belarýstiń «Dınamo» (Mınsk) komandasyna qarsy ótkizdi, dep habarlaıdy QazAqparat tilshisi.

Qazaqstandyq hokkeıshiler eki komanda arasyndaǵy sońǵy úsh kezdesýde qarsylastaryna ese jiberip qoıǵan bolatyn. Sondyqtan «Barys» sol ketken eseni qaıtarýǵa tyrysty. Oǵan qosa bıyl elordalyq klýb pleı-off satysyna shyǵý úshin kúsh salatyny belgili edi.

Kezdesýdi aıdyn ıeleri belsendi bastady. Nátıjesinde 5-mınýtta Lınden Veı «Barysty» alǵa shyǵardy. Odan keıin qazaqstandyq klýb óz qaqpasyna eki shaıba jiberip aldy. «Dınamo» sapynan Sergeı Sapego 9, Taıler Graovats 15-mınýttarda mergendigimen kózge tústi.

Ekinshi kezeńde «Barys» basymdyǵyn arttyrdy. Osyndaı sátterdiń birinde Kertıs Volk soqqan shaıbany tóreshiler esepke alǵan joq. Oǵan baılanysty erege sáıkes soǵylǵan joq degen sheshim shyǵardy. Al 36-mınýtta Nıkıta Mıhaılıs kózdegen nysanadan múlt ketken joq.

Negizgi kezeń komandalar 2:2 esebimen teń túsip, oıyn overtaımǵa ulasty. Overtaımda jeńimpaz anyqtalǵan joq. Býllıtte «Barys» basym tústi.

Endi «Barys» 25 qarashada elordada Reseıdiń «Torpedo» (Nıjnıı Novgorod) komandasymen ótkizedi.

Eske salsaq, budan buryn Reseıde «Severstal» (Cherepovets) komandasynan basym tústi.


Avtor Ádiljan Úmbet
Basty sózder: Sport,
Joǵary qaraı