Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» máskeýlik «Dınamo» komandasymen kezdesedi

2021 jyldyń 2 jeltoqsan 2021 12:52

NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn elordada Reseıdiń «Dınamo» (Máskeý) komandasyna qarsy ótkizedi, dep habarlaıdy QazAqparat tilshisi.

Kezdesý elorda ýaqytymen saǵat 19:30-da bastalyp, Qazsport telearnasynan tikeleı efırde kórsetiledi.

Eki komanda búginge deıin 28 márte sheberlik baıqasty. Onyń 11-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Eki komanda arasyndaǵy sońǵy alty kezdesýdiń bireýinde qazaqstandyq klýb jeńiske jetti.

«Barystyń» bıylǵy týrnırdiń sońǵy alty kezdesýiniń úsheýinde joly boldy, qalǵanynda qarsylastaryna ese jiberip qoıdy.

Al «Dınamo» sońǵy alty kezdesýdiń beseýinde qarsylastaryn tize búktirdi.

Eske salsaq, «Barys» budan buryn elordada reseılik «Vıtıaz» (Podolsk) komandasyna ese jiberdi.

Al «Dınamo» óz aıdynynda Reseıdiń «Ak Bars» (Qazan) komandasyn jeńdi.

Qazir «Barys» 33 oıynnan keıin 30 upaımen týrnır kestesinde 20-orynda keledi. Al «Dınamo» 46 upaımen 7-orynda tur.


Avtor Ádiljan Úmbet
Basty sózder: Sport,
Joǵary qaraı