Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» búgin Reseıde «Sıbırmen» kezdesedi

2021 jyldyń 26 qazan 2021 11:05

NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn Reseıde «Sıbır» (Novosibir) komandasymen ótkizedi, dep habarlaıdy QazAqparat tilshisi.

Kezdesý elorda ýaqytymen 18:30-da bastalyp, «Qazsport» telearnasynan tikeleı efırde kórsetiledi.

Eki komanda búginge deıin 46 márte sheberlik baıqasty. Onyń 18-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Eki komanda arasyndaǵy sońǵy bes kezdesýdiń úsheýinde qazaqstandyq klýb jeńiske jetti.

«Barys» bıylǵy týrnırdiń sońǵy alty kezdesýiniń tórteýinde mereıi ústem bolsa, qalǵanynda qarsylastaryna ese jiberip qoıdy.

Al «Sıbır» sońǵy alty kezdesýdiń ekeýinde qarsylastaryn tize búktirdi.

Aıta ketsek, qazaqstandyq klýb budan buryn Reseıdiń «Severstal» (Cherepovets) komandasynan jeńilip qaldy.

Al «Sıbır» Reseıdiń «Traktor» (Chelıabi) komandasynan basym tústi.

Qazir «Barys» 22 oıynnan keıin 18 upaımen týrnır kestesinde 18-orynda keledi. Al «Avangard» 17 upaımen 20-orynda tur.



Avtor Ádiljan Úmbet
Basty sózder: Sport,
Joǵary qaraı