Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurlyqtyq hokkeı lıgasy: «Barys» «Admıral» komandasyn jeńdi

2021 jyldyń 28 qazan 2021 18:15

NUR-SULTAN. QazAqparat - Búgin astanalyq «Barys» Qurlyqtyq hokkeı lıgasyndaǵy kezekti oıynyn Reseıde «Admıral» (Vladıvostok) komandasyna qarsy ótkizdi, dep habarlaıdy QazAqparat tilshisi.

Kezdesý barysynda qazaqstandyq komanda senimdi oıyn kórsetti. Shabýyl shebinde kóbirek qımyldap, gol soǵý múmkindigin izdedi.

Alǵashqy kezeńde Dmıtrıı Gýrkov 11-mınýtta «Barysty» alǵa shyǵardy. Odan keıin 29-mınýtta ıAkob Bertlýnd esepti ústemeleı tústi. Al 32-mınýtta Darren Dıts mergendik tanytty. Osylaısha alǵashqy eki kezeńde elordalyq hokkeıshiler qarsylasyn úsh gol aıyrmasymen jeńip turdy.

Úshinshi kezeńde «Admıral» sapynan Djosh Kestner 41-mınýtta kózdegen nysanadan múlt ketken joq. Kelesi kezekte elordalyq Dinmuhamed Qaıyrjan 55-mınýtta basymdyqty arttyra tústi.

Osylaısha «Barys» qarsylasynan 4:1 esebimen basym tústi.

Endi «Barys» 30 qazanda Reseıde «Amýr» (Blagoveensk) komandasymen kezdesedi.

Eske salsaq, budan buryn qatarynan tórt oıynda «Barys» qarsylastaryna ese jiberdi.


Avtor Ádiljan Úmbet
Basty sózder: Sport,
Joǵary qaraı