Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kúrish alqaby qysqaryp, maqta alańy keńeıedi

2022 jyldyń 24 mamyr 2022 10:58

NUR-SULTAN. QazAqparat – Qazaqstannyń ońtústik oblystarynda egis jumystary aıaqtalyp keledi. Bul týraly Aýyl sharýashylyǵy mınıstri Erbol Qarashókeev aıtyp berdi, dep habarlaıdy QazAqparat tilshisi.

«Ótken jylǵy vegetatsııalyq kezeń ońaı bolmaǵany belgili, bıyl da jekelegen óńirler boıynsha ótken jylǵy stsenarıı qaıtalaný qaýpi saqtalýda. Ákimdikterdiń derekterine sáıkes, bıyl sýarmaly jerdegi josparlanyp otyrǵan egis alańy 1,5 mln gektardy qurady, bul ótken jylǵy deńgeıden 39 myń gektarǵa ıaǵnı 2,6%-ǵa tómen», - dedi Aýyl sharýashylyǵy mınıstri Úkimettiń otyrysynda.

Bul rette, mınıstr egis alańdarynyń túpkilikti kólemi egis jumystary aıaqtalǵan soń naqtylanatynyn atap ótti.

«Qazirgi kezde ońtústik oblystardyń sýarmaly jerlerdegi egis jumystary aıaqtalýda – Jambyl oblysynda tolyq aıaqtaldy, al basqa óńirlerde áli jalǵasyp jatyr. Sýarmaly eginshilikpen aınalysatyn fermerler kóktemgi dala jumystaryn júrgizýge, tuqymǵa, mıneraldy tyńaıtqyshtarǵa, gerbıtsıdterge beriletin sýbsıdııalar, jeńildikti janar-jaǵar materıaly jáne kredıt berý sekildi tıisti memlekettik qoldaý sharalaryn alýda. 1 mln 122 myń gektar aýmaq jer betimen sýarylady, 87,6 myń gektar – negizinen jappaı sý aldyrý ádisimen sýarylatyn kúrish alqaptary, al egis alańynyń 277,6 myń gektaryna zamanaýı tamshylatyp nemese jańbyrlatyp sýarý ádisteri paıdalanylady. Pavlodar, Jambyl, Túrkistan, Qaraǵandy, Almaty oblystarynda sý únemdeý tehnologııalaryn qoldaný paıyzy joǵary», - dedi E. Qarashókeev.

Sýdy kóp qajet etetin daqyldardy ártaraptandyrý da jalǵasýda, osyǵan baılanysty kúrish alqaby 2021 jylmen salystyrǵanda 8,7 myń gektarǵa azaıýy múmkin.

«Bul rette monodaqyl – maqta alańynyń 5 myń gektarǵa ósýi kútilgen bolatyn, alaıda búginde bul kórsetkish 9 myńnan asty. Buǵan tonnasyna 350 myń teńge joǵary satyp alý baǵasy yqpal etti, bul baǵa 2020 jyly 130 myń teńge boldy, ıaǵnı 220 myń teńgege ósti. Sýdy kóp qajet etetin daqyldar alańdaryn ártaraptandyrý jumysy mınıstrliktiń jáne oblystar ákimdikteriniń turaqty baqylaýynda tur», - dedi Aýyl sharýashylyǵy mınıstri.


Joǵary qaraı