Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qurban Aıttyń alǵashqy kúni 40 myń otbasyǵa et taratyldy – QMDB

2021 jyldyń 21 shilde 2021 14:39

NUR-SULTAN. QazAqparat – Aıt merekesiniń birinshi kúni Qazaqstanda 40 myńnan astam otbasyǵa et taratyldy, dep habarlaıdy QazAqparat Qazaqstan musylmandary dinı basqarmasyna silteme jasap.

«Qazaqstan musylmandary dinı basqarmasynyń qoǵam aldyndaǵy negizgi 4 qyzmetiniń biri – qaıyrymdylyq sharalaryn uıymdastyrý. QMDB kómekke muqtaj jandardy qoldaý, qaýipti indettiń aldyn alý maqsatynda bıyl taǵy da qashyqtan qurban shalýdy qolǵa alyp, WWW.QURBAN2021.KZ saıtyn iske qosqan bolatyn. Joba maqsaty – qaıyrymdylyqqa dáneker bolý, halyqtyń densaýlyǵy men ómirine tóngen qaýipti seıiltýge úles qosý, qurban shalýǵa nıet bildirgen jandarǵa karantın jaǵdaıynda ońtaıly jol usyný», - delingen QMDB habarlamasynda.

Qurban aıttyń alǵashqy kúnindegi málimet boıynsha respýblıka deńgeıinde qurban2021.kz saıty arqyly 2 132 adam qurbandyq shalýǵa tapsyrys berse, elimiz boıynsha jalpy sany 7 670 mal shalynǵan.

«Onyń ishinde 6740 qoı, 603 iri qara, 318 eshki, 9 túıe bar. Barlyq málimetti jınaqtap aıtqanda, elimiz boıynsha 40 156 otbasyǵa qurbandyq eti taratyldy. Halqymyzda «Qaıyrymdylyq jasasań, qaıyryn óziń kóresiń» degen naqyl sóz bar. Barshańyz shynaıy nıetpen qurban shalyp, muqtaj otbasylarǵa merekelik qýanysh syılap, saýapty iske ortaqtasyp otyrsyzdar. Kómek alǵan jandardyń sizderge joldaǵan duǵa-tilekteri qabyl bolǵaı. Jaratqan Jabbar Iemiz mereılerińizdi ústem etip, eki dúnıeniń nyǵmeti men qurmetine bólenýdi násip etkeı. Ámın!», - dep habarlady dinı basqarma.

Aıta keteıik, 2021 jyly qurban shalý rásimi eki jolmen júzege asyrylady. Birinshi joly: memlekettik sanıtarlyq-epıdemıologııalyq qadaǵalaý organdary tarapynan ruqsat berilgen jergilikti qasaphanalarda sanıtarııa erejelerin qatań saqtaı otyryp «sary» jáne «jasyl» aımaqtarda onlaın jáne oflaın formatta ótkizý. Ekinshi joly: elimizdiń «qyzyl» aımaqtarynda qurban shalý rásimi qurban2021.kz saıty arqyly tek onlaın rejımde ótkizý.



Joǵary qaraı