Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qulsaryda kólik terezesinen denesin shyǵarǵandar jazalandy

2021 jyldyń 14 maýsym 2021 19:28

ATYRAÝ. QazAqparat – Atyraý oblysynyń Qulsary qalasynda kólik terezesinen denesin shyǵarǵandar jazalandy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, 13 maýsymda Qulsary qalasynyń ortalyq kóshesinde eki adam qozǵalyp bara jatqan kóliktiń terezesinen denesin shyǵaryp, tý ustap turǵan.

Jolda júrý erejesin saqtamaǵandar Jylyoı aýdandyq polıtsııa bóliminiń jedel basqarý ortalyǵynyń beınekamerasyna túsken.

Vıdeoda eki azamattyń kólik terezesinen denesin shyǵaryp, memlekettik týdy ustap turǵanyn kórýge bolady.

«Osyǵan oraı patrýldik polıtsııa qyzmetkerleri «Toyota Ipsum» kóliginiń júrgizýshisi men eki jolaýshyǵa qatysty QR Ákimshilik quqyqbuzýshylyq týraly Kodeksiniń 593-shi jáne 619-babymen ákimshilik hattamalar toltyrdy» -dep habarlady departamenttiń baspasóz qyzmeti.


Avtor Bek Mustafa
Basty sózder: Atyraý oblysy, Oqıǵa, Vıdeo, Kólik,
Joǵary qaraı