Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qudaıbergen Beksultanov: Halqymyzdyń birligin saqtaı otyryp, búkil synaqtan birge ótemiz

2022 jyldyń 19 qańtar 2022 08:56

QARAǴANDY. QazAqparat – Kenshiler shaharynyń búkil depýtattarynyń atynan Qaraǵandy qalalyq máslıhatynyń hatshysy Qudaıbergen Beksultanov Memleket Basshysy Qasym-Jomart Toqaevtyń 11 qańtarda QR Parlamenti Májilisiniń otyrysy kezinde aıtqan bastamalary men tapsyrmalaryna qoldaý bildirdi, dep habarlaıdy QazAqparat tilshisi.

Memleket basshysy Qasym-Jomart Kemeluly Toqaev qańtardyń qaharly kúnderinde elimizdiń basyna túsken syn kezeńde Qazaqstan halqyna mańyzdy málimdeme jasady. Shyntýaıtynda, bul resmı jaýapty el kútken edi, dep esepteıdi Qaraǵandy qalalyq máslıhatynyń hatshysy Qudaıbergen Beksultanov.

«Óziniń jarlyǵymen Memleket basshysy azamattyq qoǵamdy alańdatqan áleýmettik dertterdi kórsete otyryp, saıası jáne áleýmettik-ekonomıkalyq salalardaǵy ótkir máselelerdi sheshý boıynsha usynystaryn dybystady. Qaraǵandy qalasynyń ókiletti organynyń basshysy retinde maǵan Q.K. Toqaevtyń halyqtyń tabysyn arttyrýǵa, jumyssyzdyqty azaıtýǵa, sonymen qatar bıýrokratııalyq kedergilerdi joıýǵa baǵyttalǵan tapsyrmalary erekshe áser etti», - dedi Qudaıbergen Beksultanov.

Qaraǵandy qalasy máslıhatynyń hatshysy «Qazaqstan halqyna» qoǵamdyq áleýmettik qoryn qurý, sondaı-aq áleýmettik kodeksti qabyldaý bastamalaryn qoldaıtynyn jetkizdi.

Bilim salasynda damýdyń asa mańyzdy baǵyttary belgilengen, bul – jastar arasynda jumyssyzdyqty qysqartý, tehnıkalyq mamandyqtardy meńgerý basymdyǵy, eń bastysy, óskeleń urpaqtyń sapaly bilim alýy úshin bilikti ustazdar qataryn kóbeıtý.

Osy arada jastarymyzdyń tálim-tárbıesi men mamandyq tańdaýynda qapy qalmaıtyn sharalardy kózdeýimiz asa mańyzdy, dep esepteıdi ol.

«Memleket basshysy «Biz memleket pen halyqtyń birtutas ekenin naqty túsinýimiz kerek» ekenin atap ótip, úkimet músheleri men barlyq deńgeıdegi ákimderge halyqpen betpe-bet júzdesip, jurtshylyqtyń muń-muqtajyna qulaq asýdy tapsyrdy. Al biz, barlyq deńgeıdegi depýtattar, óńir jurtshylyǵymen qoıan-qoltyq qyzmet atqarýǵa tıispiz. Saılaýshy pikiri, onyń qalaýy – qoǵam úni ekenin umytpaǵanymyz abzal. «Otan otbasynan bastalady» demekshi ár azamat búgingideı qıyn-qystaý kezde aldymen otbasyndaǵy jaǵdaıǵa mán berip, ózine synı kózqaras tanytqany durys bolar. Dál osy kezde biz Qasym-Jomart Kemeluly usynǵan bastamalar men senim artqan úkimet qurylymyna sáttilik tileı otyryp, respýblıka azamaty, máslıhat depýtaty retinde el Prezıdentiniń alǵa tartqan tyń bastamalaryna qoldaý bildiremiz», - dep qosty ol.

Onyń aıtýynsha, Memleket basshysy Qazaqstan táýelsizdik tarıhynyń 30 jyldyǵynda aýqymdy daǵdarysty basynan ótkerdi, endi birlesip jańa Qazaqstandy qurýymyz kerek.


Joǵary qaraı