Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Qubyr sýyna koronavırýsqa ekspress-test jasaǵanda oń nátıje beredi»: Feık

2021 jyldyń 26 qarasha 2021 09:26

NUR-SULTAN. QazAqparat – COVID vırýsynyń baryn joqqa shyǵarýshylar bul joly ony anyqtaýǵa arnalǵan testilerdi fıktsııa ekenin dáleldeýge tyrysqan. Ǵnı olar taratqan vıdeoda ekspress-testige qubyr sýyn tamyzǵanda oń nátıje shyǵatyny kórsetilgen. Stopfake málimetinshe, bul – feık, dep habarlaıdy QazAqparat.

PTR-testiler de jedel testiler sııaqty adamnyń jutqynshaǵynyń shyryshty qabyǵynan alynǵan jaǵyndy nemese qan sııaqty belgili bir ortada durys jumys isteıdi. Bul test júıeleri arqyly kókónisten, shyryn men gazdalǵan sýsynnan COVID-19-dy anyqtaý múmkin emes.
Nátıje durys bolmaıdy, óıtkeni sýdyń, jemistiń, kókónistiń, shyryn men gazdalǵan sýsynnyń qyshqyldyǵy adam qanynyń nemese basqa bıologııalyq orta qyshqyldyǵynan ózgeshe bolady.
Jaratylystaný ǵylymdarynyń oqytýshysy jáne Indian Scientists’ Response to COVID-19 tobynyń múshesi, doktor Rohını Karandıkar Health Analytics Asia basylymyna bergen suhbatynda qubyr sýynyń COVID-19-ǵa test nátıjesiniń oń bolýyna qatysty pikirin bildirdi.

Onyń aıtýynsha, «strıp-test (jedel antıgen testi) antıgen-antıdeneniń ózara árekettesýi negizinde jumys isteıdi. Jolaqtarda vırýstyq antıgendermen baılanystyrý úshin arnaıy jasalǵan antıdeneler bar. Eger úlgide belgili bir vırýs bolsa, onda jolaqtaǵy antıdeneler vırýstyq antıgendermen baılanysady jáne reaktsııa 15-30 mınýttan keıin ótkir tústi jolaq túrinde paıda bolady».
Taratylǵan rolıkte reaktsııa bir mınýttan az ýaqyt ishinde bolǵany jáne nátıjeni anyqtaıtyn testidegi jolaq bulyńǵyr ekeni kórinedi. Bul test júıesiniń durys áreket etpegeniniń belgisi. Sebebi, ol qubyr sýyn testileýge arnalmaǵan.
Buǵan deıin biz mundaı feıkterdi joqqa shyǵarǵan bolatynbyz. COVID-19 anyqtaıtyn testilerdiń «senimsizdigin» dáleldegisi kelgen buǵan deıin lımon, jıdek, Red Bull jáne Coca Cola-ny synaqtan ótkizgen edi. Alaıda, bulardyń eshqaısysy olardyń teorııasyn rastamaıdy, óıtkeni taldaý jasaýǵa alynǵan materıal áýelden bulaı tekserýge arnalmaǵan.


Joǵary qaraı