Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qýańshylyq bolǵan óńirlerdegi fermerlerge qaryzdaryn tóleý merzimi shegeriledi

2022 jyldyń 27 mamyr 2022 16:23

NUR-SULTAN. QazAqparat – Aýyl sharýashylyǵy mınıstrligi qýańshylyq táýekeli bar óńirlerde fermerlerge qaryzdaryn tóleý merzimin shegerý qadamdary týraly túsinik berdi, dep habarlaıdy QazAqparat tilshisi.

«Qolaısyz klımattyq jaǵdaılardyń (maldyń qyrylýy, qurǵaqshylyq, jem-shóppen qamtamasyz etý problemalary) saldarynan qalyptasqan mán-jaılarda agroónerkásiptik keshen sýbektilerin qoldaý qadamdary eskerilgen. Bul rette tıisti qujattardy usynǵan kezde «Báıterek» UBH» AQ-nyń enshiles uıymdary qaryz alǵandardyń mindettemeleri boıynsha tólemderdi keıinge qaldyrý jónindegi ótinimderdi qaraıdy», - dep atalyp ótken Aýyl sharýashylyǵy mınıstrliginiń QazAqparatqa bergen málimetinde.

Osy oraıda qaryzdy jabý merzimin uzartý men qaıta qurylymdaý týraly ótinish, sondaı-aq fors-major jaǵdaıdy rastaıtyn jazbasha aktiler nemese ókiletti memlekettik organdardyń ózge de qujattar qaralady.

«Bul rette barlyq ótinishter qysqa merzimde ári jeke tártipte qaralatynyn atap ótý qajet. «Báıterek» UBH» AQ derekterine qaraǵanda, onyń enshiles kompanııalaryna ótken jyldyń qorytyndysy boıynsha AÓK salasynda qurǵaqshylyqtan zardap shekken 310 qaryz alýshydan jalpy somasy 8 663,6 mln. teńgege ótinimder kelip tústi. Sonyń arasynda 259 ótinim maquldandy, 10 ótinim qarastyrý kezeńinde, 25 ótinimdi klıentter keri qaıtaryp aldy, 15 ótinim boıynsha tıisti qujattar jınastyrylyp jatyr, sondaı-aq 1 ótinimge qatysty ruqsat berilmedi», - delingen vedomstvo málimetinde.

Budan buryn habarlanǵandaı, Mańǵystaý oblysyndaǵy mal sharýashylyǵy bıyl da qýańshylyqtan japa shegýi múmkin.


Joǵary qaraı