Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

QTJ temirjolshylardyń jalaqysyna Úkimetten 90 mlrd teńge suramaq

2022 jyldyń 3 mamyr 2022 14:21

NUR-SULTAN. QazAqparat – «Qazaqstan temir joly» AQ óndiristik qyzmetkerleriniń jalaqysyn 66 paıyzǵa kóterdi. Bul týraly atalǵan kompanııanyń basqarma tóraǵasy Nurlan Saýranbaev aıtty, dep habarlaıdy QazAqparat tilshisi.

«Іs júzinde óndiristik qyzmetkerlerdiń jalaqysyn 66 paıyzǵa kóterdik. Jalaqy qoryn osy deńgeıde ustap tura alsaq jaqsy bolar edi. Osy jalaqy qoryn ózimiz ustap turmyz. Biraq, jalaqy qorynyń úshten ekisi tranzıt esebinen óteledi. Alaıda, búgingi ahýalǵa baılanysty Reseı arqyly tranzıt 43 paıyzǵa quldyrady. Soǵan oraı bizdiń kirisimiz de tómendedi. Endi jalaqy qoryn qarjylandyrý máselesi kóteriledi. Jalaqy deńgeıin ustap turý úshin Úkimetke júginip, ishki resýrstardy da izdeýge tyrysamyz», - dedi kompanııa basshysy «2025 jylǵa deıin halyqtyń tabysyn arttyrý baǵdarlamasy» keshendi josparyn júzege asyrý jónindegi keńes barysynda BAQ ókilderiniń saýalyna oraı.

Onyń aıtýynsha, jalaqynyń qazirgi deńgeıin ustap turý úshin QTJ memleketten shamamen 90 mlrd teńge suraýdy josparlap otyr.

«Biz jalaqyǵa 300 mlrd teńgeden astam qarajat jumsaımyz. Onyń 111 mlrd teńgesi tarıfke qosylǵan. Al 200 mlrd teńgeni óndiristik qyzmetten, onyń ishinde tranzıtten túsetin kiristen alamyz. Demek, tranzıt esebinen óteımiz. Úkimet bizge alýǵa múmkindik berdi. Eger qazirgi ýaqytta tranzıt tómendeıtin bolsa, onda tómendegen kólemge aqsha suraımyz. Shamamen 90 mlrd teńge dep eseptep otyrmyz», - dedi Nurlan Saýranbaev.


Avtor Marlan Jıembaı
Basty sózder: Poıyz, Kólik, QR Úkimeti, jalaqy, QTJ,
Joǵary qaraı