Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

QR Joǵarǵy sotyna jańa sýdıa saılandy

2021 jyldyń 11 qarasha 2021 10:21

NUR-SULTAN. QazAqparat – Búgin Parlament Senatynyń jalpy otyrysynda QR Joǵarǵy sotynyń jańa sýdıasy saılandy, dep habarlaıdy QazAqparat tilshisi.

«Konstıtýtsııaǵa sáıkes QR Prezıdentiniń usynymymen Joǵarǵy sottyń sýdıalaryn saılaý jáne qyzmetinen bosatý Senattyń aıryqsha quzyryna jatady. Osy rette Memleket basshysy sizderdiń qaraýlaryńyzǵa Joǵarǵy sottyń sýdıasy qyzmetine Berik Tóleýtaıuly Nájimıdenovti saılaý týraly usynym engizdi. B. Tóleýtaıuly qarjylyq baqylaý, memlekettik aýdıt salasynda tájirıbesi mol maman. Sońǵy bes jyl Qarjy mınıstrliginde jemisti qyzmet etti», - dedi QR Prezıdentiniń Parlamentindegi ókildiginiń basshysy Beıbit Isabaev.

Osy oraıda atalǵan kandıdatty saılaý týraly Senat qaýlysy daýys berýge shyǵaryldy. Palata depýtattary ashyq daýys berý arqyly atalǵan kandıdatty qoldaý týraly sheshim shyǵardy. Jańa qyzmetke saılanǵan sýdıa Parlament Senatynyń jalpy otyrysynda saltanatty túrde ant berdi.

Berik Tóleýtaıuly Nájimıdenov 1979 jyly týǵan, joǵary zańgerlik bilimi bar.

2002 – 2012 jyldary Qazaqstan Respýblıkasy Qarjy mınıstrligi Qarjylyq baqylaý komıtetiniń Pavlodar oblysy boıynsha Qarjylyq baqylaý ınspektsııasynyń bas mamany – jetekshi baqylaýshy-revızory, bas mamany – bas baqylaýshy-revızory, № 5 baqylaý bóliminiń bastyǵy, № 3 baqylaý bóliminiń bastyǵy, Qarjylyq baqylaý ınspektsııasy bastyǵynyń orynbasary.

2012 jyldan bastap QR Qarjy mınıstrliginiń Qarjylyq baqylaý komıteti Baqylaý is-sharalaryn taldaý, josparlaý, eseptilik basqarmasynyń basshysy.

2014 jyldan bastap Qarjy mınıstrligi Qarjylyq baqylaý komıtetiniń Qaraǵandy oblysy boıynsha Qarjylyq baqylaý ınspektsııasynyń bastyǵy.

2016 jyly Qarjy mınıstrligi Іshki memlekettik aýdıt komıteti tóraǵasynyń orynbasary bolyp taǵaıyndaldy.

2020 jyldan bastap qazirgi ýaqytqa deıin Qarjy mınıstrligi Іshki memlekettik aýdıt komıtetiniń tóraǵasy.


Joǵary qaraı