Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

QR UQK: Qazaqstannyń 2 megapolısi men 12 oblysynda jaǵdaı turaqtandy

2022 jyldyń 13 qańtar 2022 09:58

NUR-SULTAN. QazAqparat – Qazaqstannyń 14 óńirinde jaǵdaı turaqtandy, dep habarlaıdy QazAqparat QR Ulttyq qaýipsizdik komıtetiniń baspasóz qyzmetine silteme jasap.

Osy sebepti terrorızmge qarsy kúres jónindegi Respýblıkalyq jedel shtab (budan ári-RJSh) Nur-Sultan, Shymkent qalalarynyń, Aqmola, Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qyzylorda, Qostanaı, Mańǵystaý, Pavlodar, Soltústik Qazaqstan jáne Túrkistan oblystarynyń aýmaqtarynda terrorızmge qarsy operatsııanyń aıaqtalǵanyn jáne terrorıstik qaýiptiń shekti «qyzyl» deńgeıiniń joıylǵany týraly habarlaıdy.

Bul rette, Almaty qalasynda, Almaty jáne Jambyl oblystarynda jappaı tártipsizdik kezinde terrorıstik jáne ózge de qylmystyq áreketke qatysy bar adamdardy anyqtaý jáne ustaý boıynsha sharalar iske asyrylýda.

Tıisinshe atalǵan óńirlerde terrorızmge qarsy operatsııa jalǵasyp, terrorıstik qaýiptiń shekti «qyzyl» deńgeıi saqtalyp tur.

«Sheshimdi RJSh basshysy – Qazaqstan Respýblıkasy Ulttyq qaýipsizdik komıtetiniń Tóraǵasy Qazaqstan Respýblıkasy Prezıdentiniń 2013 jylǵy 9 tamyzdaǵy «Terrorızm aktisi qateriniń týyndaýy týraly aqparat monıtorınginiń jáne halyqty habardar etýdiń memlekettik júıesiniń uıymdastyrylýy men jumys isteýi qaǵıdalaryn bekitý týraly» № 611 jarlyǵynyń talaptaryna sáıkes qabyldady»,-delingen habarlamada.


Joǵary qaraı