Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

QR SІM Qazaqstannyń ólim jazasynan bas tartýyna qatysty túsinikteme berdi

2020 jyldyń 24 qyrkúıek 2020 19:03

NUR-SULTAN. QazAqparat – QR Syrtqy ister mınıstrliginiń baspasóz qyzmeti Qazaqstannyń ólim jazasyn joıýǵa baǵyttalǵan halyqaralyq paktige qosylýyna qatysty túsinikteme berdi, dep habarlaıdy QazAqparat.

«Bıylǵy 23 qyrkúıekte buqaralyq aqparat quraldarynda Qazaqstan Respýblıkasynyń Turaqty ókili Qaırat Omarovtyń BUU Shtab-páterinde ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktiniń ekinshi Fakýltatıvtik hattamasyna qol qoıýyna qatysty túrli túsinispeýshilikterdiń paıda bolýyna baılanysty SІM Baspasóz qyzmeti kelesi túsinikteme berý qajet dep sanaıdy:

«Qazaqstan Respýblıkasynyń halyqaralyq sharttary týraly» 2005 jylǵy 30 mamyrdaǵy Qazaqstan Respýblıkasy Zańynyń 11-babynyń 1) jáne 2) tarmaqtaryna sáıkes ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktige Fakýltatıvtik ekinshi hattamany QR Parlamenti mindetti túrde ratıfıkatsııalaýy tıis, óıtkeni ol adamnyń jáne azamattyń quqyqtary jáne bostandyqtarymen baılanysty, sondaı-aq Qazaqstan Respýblıkasynyń zańdarynda kózdelgennen ózge erejelerdi belgileıdi.

Osylaısha, atalǵan halyqaralyq shart QR Parlamentimen ratıfıkatsııadan ótkennen keıin ǵana kúshine enedi.

Ratıfıkatsııalaý kezinde ekinshi Fakýltatıvtik hattamanyń 2-babynyń 1-tarmaǵyna sáıkes memleket áskerı sıpattaǵy neǵurlym aýyr qylmystar jasaýdaǵy kinásin moıyndaǵannan keıin soǵys ýaqytynda ólim jazasyn qoldanýdy kózdeıtin jalǵyz eskertpe jasaı alady.

QR Konstıtýtsııasynyń 15-babynyń 2-tarmaǵyna sáıkes «ólim jazasy adamdardyń qaza bolýymen baılanysty terrorıstik qylmystar jasaǵany úshin, sondaı-aq soǵys ýaqytynda erekshe aýyr qylmystar jasaǵany úshin eń aýyr jaza retinde zańmen belgilenedi». Tıisinshe Hattamanyń kúshine enýi úshin eldiń negizgi Zańyna tıisti túzetýler, sondaı-aq ulttyq zańnamaǵa ózgerister engizý qajet.

Buǵan deıin habarlaǵanymyzdaı, 23 qyrkúıekte Birikken Ulttar Uıymynyń shtab-páterinde Qazaqstannyń BUU janyndaǵy Turaqty ókili Qaırat Omarov ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktiniń ekinshi Fakýltatıvtik hattamasyna qol qoıdy.

Sol kúni ólim jazasyn joıý týraly halyqaralyq Hattamaǵa qosylý týraly sheshimdi Qazaqstan Prezıdenti Qasym-Jomart Toqaev BUU Bas Assambleıasynyń 75-shi mereıtoılyq sessııasynyń jalpy saıası pikirtalas barasynda sóılegen sózinde jarııalady. Ol Qazaqstan ómir súrý men adamı qadir-qasıetke negizdelgen quqyqty júzege asyrýǵa bekem ekenin atap ótti.


Joǵary qaraı