Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdentine Eýrazııalyq damý bankiniń orta merzimdegi jospary tanystyryldy

2021 jyldyń 28 qazan 2021 16:02

NUR-SULTAN. QazAqparat - Qazaqstan Prezıdenti Qasym-Jomart Toqaev Eýrazııalyq damý bankiniń basqarma tóraǵasy Nıkolaı Podgýzovty qabyldady. QazAqparat bul týraly Aqordaǵa silteme jasap habarlaıdy.

Kezdesý barysynda Memleket basshysyna Eýrazııalyq damý bankiniń atqarǵan jumystarynyń nátıjeleri men orta merzimdegi josparlary týraly, sondaı-aq aldaǵy kezeńge arnalǵan makroekonomıkalyq boljamdary jóninde málimet berildi. Bank sarapshylary Qazaqstandaǵy ekonomıkalyq ósimniń oń qarqyny Eýrazııalyq ekonomıkalyq odaqqa múshe eldermen salystyrǵanda eń joǵary deńgeıde bolady dep boljap otyr.

Sonymen qatar Qasym-Jomart Toqaev Eýrazııalyq damý bankiniń 2022-2026 jyldarǵa arnalǵan Strategııasynyń negizgi baǵyttarymen tanysty. Atap aıtqanda, Nıkolaı Podgýzov Prezıdentke Qazaqstan men Eýrazııalyq ekonomıkalyq odaqqa múshe basqa de elderdiń áleýmettik-ekonomıkalyq damýyna yqpal etetin mańyzdy megajobalar týraly aıtty.

Bank «Soltústik – Ońtústik», «Eýropa – Batys Qytaı» kólik dálizderin ashýǵa baǵyttalǵan jobalardy júzege asyrýǵa, biryńǵaı taýar ótkizý jelilerin qurýǵa jáne Ortalyq Azııa sý-energetıkalyq keshenin jańǵyrtýǵa kómektesýge nıetti. Eýrazııalyq damý banki atalǵan jobalarǵa 1,2 mıllıard dollar kóleminde ınvestıtsııa quıýdy josparlap otyr. Jalpy bank 2026 jylǵa deıin Qazaqstan ekonomıkasyna kem degende 3,8 mıllıard dollar ınvestıtsııa salýǵa nıetti.

Memleket basshysy Eýrazııalyq damý bankiniń ıntegratsııalyq úderisterdi damytýdaǵy belsendi rólin atap ótip, Qazaqstanǵa jáne Eýrazııalyq ekonomıkalyq odaqqa múshe basqa da elderge qatysty jobalardy júzege asyrýdyń mańyzdy ekenin aıtty.


Joǵary qaraı