Aýa raıy
Astana 3 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdentine daǵdarysqa qarsy sharalarǵa bólingen qarjynyń jumsalýyna monıtorıng týraly esep berildi

2020 jyldyń 3 tamyz 2020 18:02

NUR-SULTAN. QazAqparat – QR Prezıdenti Qasym-Jomart Toqaev Respýblıkalyq bıýdjettiń atqarylýyn baqylaý jónindegi esep komıtetiniń tóraıymy Natalıa Godýnovany qabyldady, dep habarlaıdy QazAqparat Aqordanyń baspasóz qyzmetine silteme jasap.

Esep komıtetiniń tóraıymy Memleket basshysyna daǵdarysqa qarsy sharalarǵa bólingen qarjynyń jumsalýyna monıtorıng júrgizý barysy jáne kvazımemlekettik sektor kompanııalarynyń aktıvterin tıimdi basqarýǵa júrgizilgen aýdıttiń aldyn ala qorytyndylary týraly esep berdi.

Natalıa Godýnovanyń aıtýynsha, ekonomıkany qoldaýǵa jáne pandemııamen kúreske baǵyttalǵan resýrstardy Esep komıteti men tekserý komıssııalary jiti baqylap otyr. Úkimet qabyldaǵan sharalardyń áleýmettik-ekonomıkalyq tıimdiligi osy jyldyń sońyna deıin baǵalanatyn bolady.

Qasym-Jomart Toqaev Esep komıtetiniń jaqynda ótetin otyrysynda aýdıt qorytyndylaryn zańnamaǵa sáıkes qarastyrýdy jáne memlekettik aktıvterdi tıimsiz basqarýǵa qatysty anyqtalǵan derekter boıynsha naqty usynystar engizýdi tapsyrdy. Prezıdenttiń pikirinshe, Esep komıteti aýqymdy ári tıimdi jumys júrgizip otyr. Memleket basshysy bul jumystardy jeke baqylaýynda ustaıtynyn atap ótti.





Joǵary qaraı