Aýa raıy
Astana 4 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdentine Almatyda qashyqtan oqytýdy uıymdastyrý jaıy baıandaldy

2020 jyldyń 25 qyrkúıek 2020 19:27

ALMATY. QazAqparat - Almatyda jumys saparymen júrgen QR Prezıdenti Qasym-Jomart Toqaev kópfýnktsıonaldy «SEN» mýzykalyq ortalyǵyna bardy, dep habarlaıdy QazAqparat Aqordaǵa silteme jasap.

Ortalyqty aralap kórý barysynda Qazaqstan Prezıdentine megapolıstegi qosymsha bilim berý ınfraqurylymyn damytý, sapasyn kúsheıtý jáne oǵan baratyn balalardyń sanyn kóbeıtý isi jóninde málimet berildi.

Jýyrda Almaty qalasynda eki kópsalaly oqýshylar saraıyn, birneshe dene shynyqtyrý jáne saýyqtyrý keshenin salý josparlanyp otyr. Sonymen qatar mektepten tys uıymdar jańǵyrtylady jáne sport alańdary qaıta jóndeýden ótkiziledi.

Memleket basshysyna oqýshylardyń qashyqtan sapaly oqýyn jáne kezekshi synyptardy uıymdastyrý, sondaı-aq, muqtaj oqýshylardy planshetpen, noýtbýkpen jáne kompıýtermen qamtamasyz etý jóninde berilgen tapsyrmalardyń oryndalýy týraly baıandaldy.

Qasym-Jomart Toqaev kópfýnktsıonaldy ortalyqtyń jumysymen tanysyp, zamanaýı, kásibı mýzykalyq qurylǵylarmen jabdyqtalǵan dybys jazatyn stýdııalar men oqý synyptaryn aralap kórdi. Ortalyqtyń ǵımaraty shý estirtpeıtin arnaıy materıaldardan jasalǵan.

Qazirgi ýaqytta jeke bilim berý mekemesinde jas daryndy oqýshylarǵa 20 pedagog dáris júrgizýde.




Eske salaıyq, búgin Memleket basshysy jumys saparymen Almaty qalasyna keldi.

Q.Toqaev shaharǵa saparyn I.Jekenova atyndaǵy qalalyq klınıkalyq juqpaly aýrýlar aýrýhanasynyń jańa fılıalynan bastady.

Sondaı-aq Almatynyń Indýstrııalyq aımaǵynda boldy. Qazaqstandyq «Hyundai Trans Kazakhstan» zaýytynyń iske qosylýǵa daıyndyǵyn tekserip, Respýblıka alańyndaǵy qaıta jóndeýden ótken «Almaly» demalys aýmaǵyn aralap kórdi.




Joǵary qaraı