Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti Japonııanyń Premer-mınıstrine quttyqtaý jedelhatyn joldady

2021 jyldyń 4 qazan 2021 19:23

NUR-SULTAN. QazAqparat - Qazaqstan Prezıdenti Qasym-Jomart Toqaev Japonııanyń Premer-mınıstri Fýmıo Kıshıdaǵa jedelhat joldady, dep habarlaıdy Aqorda.

Jedelhatta Memleket basshysy Qasym-Jomart Toqaev Fýmıo Kıshıdany Japonııanyń Premer-mınıstri laýazymyna saılanýymen shyn júrekten quttyqtaǵan.

«Japonııanyń baıandy órkendeýin jalǵastyrýǵa, elińizdiń dúnıejúzilik qaýymdastyqtaǵy bedelin asqaqtatýǵa baǵyttalǵan ıgi isterińiz ben jańa bastamalaryńyz árdaıym tabysty bolýyna tilektespin. Qazaqstan men Japonııa arasyndaǵy keńeıtilgen strategııalyq seriktestigimizdi búginnen de bıik belesterge kóterýdi asyl maqsat tutyp, san qyrly salalardaǵy ózara tıimdi yntymaqtastyǵymyzdy odan ári nyǵaıtý úshin Sizben kúsh-jiger jumyldyrýǵa daıyn ekenimdi rastaımyn», – delingen quttyqtaý hatta.

Qasym-Jomart Toqaev Fýmıo Kıshıdaǵa qajymas qaırat, asa jaýapty qyzmette laıym sáttilik, al dostas japon halqyna qut-bereke tilegen.



Joǵary qaraı