Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti janyndaǵy Sybaılas jemqorlyqqa qarsy is-qımyl komıssııasynyń otyrysy ótti

2020 jyldyń 15 jeltoqsan 2020 18:04

NUR-SULTAN. QazAqparat - Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen beınekonferentsııa baılanysy rejıminde QR Prezıdenti janyndaǵy Sybaılas jemqorlyqqa qarsy is-qımyl máseleleri jónindegi komıssııanyń otyrysy ótti. QazAqparat bul týraly Aqordaǵa silteme jasap habarlaıdy.

Otyrysta «Qazaqstan Respýblıkasynyń agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasyn iske asyrýǵa bólingen bıýdjet qarajatynyń paıdalanylý tıimdiligi týraly» másele talqylandy.

Jıynda Tuńǵysh Prezıdent – Elbasy N.Á. Nazarbaevtyń tikeleı tapsyrmasymen ázirlengen Memlekettik baǵdarlamany iske asyrýdyń strategııalyq mańyzy bar ekeni atap ótildi. Óıtkeni agroónerkásiptik keshen eldiń azyq-túlik qaýipsizdigin qalyptastyratyn ekonomıkanyń mańyzdy sektorlarynyń biri bolyp tabylady.

Memleket basshysy Q.K. Toqaevtyń «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda damyǵan aýyl sharýashylyǵynsyz básekege qabiletti ekonomıka qurýdyń múmkin emestigine basa nazar aýdaryldy.

Otyrys barysynda Aýyl sharýashylyǵy mınıstrligi agrosektordyń jalpy óniminiń kólemin 1,4 esege arttyrýǵa jáne onyń qunyn 5,2 trln. teńgege deıin jetkizýge múmkindik bergen Memlekettik baǵdarlamany iske asyrýdyń oń áseri týraly baıandady.

Budan basqa, aýyl sharýashylyǵyndaǵy negizgi kapıtalǵa ınvestıtsııalar 2 esege, eńbek ónimdiligi 1,8 esege, aýyl sharýashylyǵy ónimderi men ony qaıta óńdeý ónimderiniń eksporty 1,5 esege, al mal sharýashylyǵy men ósimdik sharýashylyǵy ónimderiniń jalpy shyǵarylymy 1,4 esege ulǵaıdy.

Buǵan kóp jaǵdaıda aýyl sharýashylyǵy taýar óndirýshilerin qoldaýǵa bólinetin, agroónerkásiptik keshen sýbektileriniń qarjylyq jaǵdaıyn edáýir jaqsartqan bıýdjet qarajaty yqpal etti.

Sonymen qatar baqylaýshy jáne quqyq qorǵaý organdary mal sharýashylyǵy salasyndaǵy sýbsıdııalaýdyń qoldanystaǵy júıesi aýyl sharýashylyǵy óniminiń kóp bóligin óndiretin shaǵyn aýyl sharýashylyǵy qurylymdaryna qatysty jetkilikti deńgeıde teńdestirilmegenin aıtady.

Atalǵan salada óndiris quraldarynyń tozý, ozyq tehnologııalardy jetkiliksiz qoldaný jáne qarjy quraldaryn utymdy paıdalanýdy qamtamasyz etý problemalary bar.

Sýbsıdııalaý salasyndaǵy normatıvtik-quqyqtyq bazanyń jáne «Qoldau.kz» tsıfrlyq platformasynyń jetildirilmeýinen sýbsıdııa alýǵa ótinim bergende túrli teris áreketterge jol beriledi.

Máselen, Memlekettik baǵdarlamany iske asyrý barysynda 169 qylmystyq quqyq buzýshylyq anyqtalǵan, onyń ishinde aýyl sharýashylyǵy óndirýshilerine jalǵan qujattar boıynsha sýbsıdııalardy zańsyz berý faktilerine jol berilgen.

Osylaısha, Memlekettik baǵdarlamany júzege asyrýdyń jekelegen aspektileri Memleket basshysynyń tapsyrmalarymen, ásirese jeke qosalqy sharýashylyqtardyń áleýetin arttyrý, sondaı-aq olardy óńirlik azyq-túlik habtaryn qurýǵa tartý bóligimen sáıkes kelmeıdi.

Otyrysta Prezıdenttiń Kómekshisi – Qaýipsizdik Keńesiniń hatshysy Áset Isekeshev agroónerkásip keshenindegi sybaılas jemqorlyq táýekelderin tómendetý boıynsha usynys jasady.

Otyrys qorytyndysy boıynsha Qazaqstan Respýblıkasynyń Memlekettik hatshysy Qyrymbek Kósherbaev qaralǵan máseleler boıynsha naqty tapsyrmalar berdi, olardyń oryndalýy baqylaýǵa alyndy.


Joǵary qaraı