Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti «TotalEnergies» basshylyǵymen jańa jobalardy talqylady

2021 jyldyń 28 qazan 2021 16:37

NUR-SULTAN. QazAqparat - Memleket basshysy Qasym-Jomart Toqaev «TotalEnergies» kontserni prezıdentiniń aǵa keńesshisi Arno Breııakpen jáne «TotalEnergies» barlaý jáne óndirý» kompanııasynyń prezıdenti Nıkolıa Terrazben kezdesý ótkizdi. QazAqparat bul týraly Aqordaǵa silteme jasap habarlaıdy.

Prezıdent frantsýz kásipkerlerine iltıpat bildire otyryp, Nıkolıa Terrazdy «TotalEnergies» barlaý jáne óndirý» kompanııasynyń basshysy qyzmetine jańadan taǵaıyndalýymen quttyqtady.

Kezdesý barysynda «TotalEnergies» kompanııasynyń qatysýymen jańartylatyn qýat kózderi salasyndaǵy jobalardy júzege asyrý máselelerine nazar aýdaryldy. Qasym-Jomart Toqaev Qyzylorda jáne Jambyl oblystaryndaǵy eki kún elektr stantsııasy qurylystarynyń aıaqtalyp, paıdalanýǵa berilgenin atap ótti.

Arno Breııak Memleket basshysyna qýaty 1 GVt bolatyn jel energetıkasy kesheniniń qurylysy týraly memorandýmǵa qol qoıylǵany týraly, sondaı-aq kontserndi Qazaqstanda jáne álemde odan ári damytýdyń perspektıvalary jóninde aıtty.

Sonymen qatar kezdesýde Qashaǵan jáne Dunǵa ken oryndaryndaǵy munaı óndirý kólemin arttyrý máselesi kóterildi.


Joǵary qaraı