Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti Sooronbaı Jeenbekovke kóńil aıtý jedelhatyn joldady

2020 jyldyń 30 shilde 2020 12:45

NUR-SULTAN. QazAqparat - Memleket basshysy Qasym-Jomart Toqaev Sooronbaı Jeenbekovke kóńil aıtý jedelhatyn joldady. Bul týraly QR Prezıdentiniń baspasóz hatshysy Berik Ýálı jelidegi paraqshasynda jazdy.

Memleket basshysy Qasym-Jomart Toqaev Qyrǵyz Prezıdenti Sooronbaı Jeenbekovke Qyrǵyzstanda koronavırýs pandemııasynyń qurbandaryn eske alý úshin ulttyq aza tutý kúni dep jarııalanýyna baılanysty kóńil aıtý jedelhatyn joldady.

«Qazaqstan halqynyń jáne jeke ózimniń atymnan koronavırýs pandemııasy saldarynan qaıtys bolǵan baýyrlas qyrǵyz azamattaryn ulttyq aza tutý kúninde qaıǵylaryńyzǵa ortaqtasyp, qoldaý kórsetýdi jón sanadym. Osyndaı qıyn-qystaý kezeńde mezgilsiz qaıtys bolǵan adamdardyń jaqyndary men týystarynyń orny tolmas qaıǵysymen bólisemin, al qazirgi ýaqytta aty jaman indetpen kúresip jatqan naýqastardyń tezirek saýyǵyp ketýine tilektestik bildiremin», – delingen jedelhatta.

Qasym-Jomart Toqaev qabyldanǵan naqty sharalardyń, qyrǵyz halqynyń yntymaǵy men birligi eldegi epıdemıologııalyq ahýaldy tez arada turaqtandyrýǵa múmkindik beretinine senim bildirdi. Sondaı-aq Qazaqstannyń árdaıym baýyrlas Qyrǵyzstan halqyna qajetti kómek kórsetýge jáne koronavırýs indetine qarsy birlesip kúresý úshin kúsh biriktirýge daıyn ekenin jetkizdi.

Eske salsaq, Búgin - Qyrǵyzstanda koronavırýstan qaıtys bolǵandardy Ulttyq aza tutý kúni.

Qyrǵyzstanda myńnan asa adam koronavırýstan kóz jumdy.


Joǵary qaraı