Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

QR Prezıdenti «Qytaı men Ortalyq Azııa halyqtarynyń dostyǵy» forýmyn ótkizý bastamasyna qoldaý bildirdi

2022 jyldyń 25 qańtar 2022 15:22

NUR-SULTAN. QazAqparat – QR Prezıdenti Qasym-Jomart Toqaev «Ortalyq Azııa – QHR» sammıtinde «Qytaı men Ortalyq Azııa halyqtarynyń dostyǵy» forýmyn ótkizý bastamasyna qoldaý bildirdi, dep habarlaıdy

«Sizdiń «Qytaı men Ortalyq Azııa halyqtarynyń dostyǵy» forýmyn ótkizý bastamańyzdy qoldaımyz. Bilim berý, mádenıet jáne týrızm salasyndaǵy qazirgiden de tyǵyz áriptestik týraly bastamańyzdy da qoldaımyz. Biz sizdiń mamandardy oqytý kýrstaryn uıymdastyrý jáne soǵan qajetti qarajat bólý týraly aıtqan usynyńyzǵa rızamyz», - dedi Memleket basshysy.

Qazaqstan Prezıdenti bul sammıttyń basty maqsattarynyń biri óńirdiń áleýetin nyǵaıtý ekenin eske saldy.

«Qurmetti áriptester! Búgingi sammıttiń negizgi mindetteriniń biri – Ortalyq Azııanyń áleýetin asha túsýdiń jańa tetikterin tabý. Óńirishilik áriptestik keıingi jyldary jańa deńgeıge shyqty. Bul iste memleketterdiń senimge arqa súıegen dıalogy, onyń ishinde turaqty konsýltatıvtik kezdesýler formatyndaǵy baılanystar negizgi ról atqarady», - dedi Prezıdent.

Aıta keteıik, memleket basshysy Qasym-Jomart Toqaev «Ortalyq Azııa – QHR» sammıtine qatysýda.

Sammıtke QHR Tóraǵasy Sı Tszınpın, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japparov, Túrikmenstan Prezıdenti Gýrbangýly Berdimuhamedov, Tájikstan Prezıdenti Emomalı Rahmon beınekonferentsııa rejıminde qatysyp otyr.


Joǵary qaraı