Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

QR Prezıdenti Qytaı men Ortalyq Azııa elderi yntymaqtastyǵyna joǵary baǵa berdi

2022 jyldyń 25 qańtar 2022 16:09

NUR-SULTAN. QazAqparat – Energetıka salasyndaǵy qazaq-qytaı yntymaqtastyǵy strategııalyq sıpatqa ıe. Bul týraly Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Energetıka salasyndaǵy qazaq-qytaı yntymaqtastyǵy strategııalyq sıpatqa ıe. Qazaqstan-Qytaı munaı qubyry jáne Ortalyq Azııa-Qytaı gaz qubyry úzdiksiz jumys istep tur. Qazaqstan aýmaǵy arqyly ótetin magıstraldy dáliz qytaı taýar óndirýshileriniń Eýropa, Taıaý Shyǵys jáne Táýelsiz memleketter dostastyǵy naryqtaryna jyldam ári senimdi shyǵýyn qamtamasyz etedi. Lıanıýngandaǵy termınal, Qorǵastaǵy qurǵaq port jáne «Batys Qytaı – Batys Eýropa» avtomagıstrali syndy birlesken ınfraqurylymdyq jobalar «Beldeý men jol» megajobasynyń tirek býynyna a ınaldy», - dep atap ótti Memleket basshysy «Ortalyq Azııa - QHR» sammıtinde.

QR Prezıdenti ótken 30 jyldyń ishinde Ortalyq Azııa memleketterinde tatý kórshilik jáne bir-birine árdaıym qoldaý kórsetýge negizdelgen yntymaqtastyqtyń laıyqty modeli qalyptasqanyn atap ótti.

«COVID-19 pandemııasynyń ýshyqqan kezeńinde ózara kómek kórsetý jáne qytaılyq óndiristegi vaktsınalardy jetkizýdi jedel uıymdastyrý bizdiń myzǵymas dostyǵymyzdyń jarqyn sımvolyna aınaldy», - dep atap ótti Qasym-Jomart Toqaev.


Joǵary qaraı