Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti: Qyrǵyzstanmen óńiraralyq yntymaqtastyqtyń birinshi forýmyn jýyq arada ótkizý kerek

2021 jyldyń 2 naýryz 2021 14:38

NUR-SULTAN. QazAqparat - Shaǵyn jáne keńeıtilgen quramdaǵy ekijaqty kelissózderdiń qorytyndysy boıynsha Qasym-Jomart Toqaev pen Sadyr Japarov buqaralyq aqparat quraldary úshin birlesken baspasóz máslıhatyn ótkizdi, dep habarlaıdy Aqordanyń baspasóz qyzmeti.

Baspasóz máslıhatynda e kijaqty baılanystardyń kún tártibindegi mańyzdy mindettiń biri – azamattardyń barys-kelisi men alys-berisin jaqsartý máselesi sóz boldy.
– Osy rette shekara beketteriniń ótkizý múmkindigin arttyrý úshin sharalar qabyldanýda. Mysaly eń iri «Qordaı» (Aqjol) beketin jańǵyrtý jumystary – sonyń aıqyn dáleli. Endi jurttyń shekaradan qınalmaı ótýine jaǵdaı jasalmaq. Bekettiń jabdyqtary jańartyldy. 8 jolaqty avtojol saldyq. Bul jumys óz jalǵasyn tabady. Pasporttyq-baqylaý rejımin jetildirdik. Munyń barlyǵy eki el arasyndaǵy jolaýshylar men kólikterdiń sanyn edáýir arttyrýǵa múmkindik beredi. Qazaqstan bul nysandy jaqyn arada ashýǵa daıyn. Kelisim boıynsha, qyrǵyz tarapy da tıisti jumysty tez arada aıaqtaıtyn boldy, – dedi Memleket basshysy Qasym-Jomart Toqaev.
Qazaqstan Prezıdenti ózara baılanysty nyǵaıtý úshin irgeles jatqan aımaqtardyń yntymaqtastyq aıasyn keńeıtý jóninde kelisim jasalǵanyna toqtaldy.
Onyń aıtýynsha, Óńiraralyq yntymaqtastyqtyń birinshi forýmyn jýyq arada ótkizý qajet, sondaı-aq, shekara mańynda taýardy resimdep, óńdeıtin saýda-logıstıkalyq ortalyq qurý kerek.

Joǵary qaraı