Aýa raıy
Astana -2 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti Qazaqstannyń ólim jazasynan bas tartýyna qatysty túsinik berdi

2020 jyldyń 25 qyrkúıek 2020 17:50

ALMATY. QazAqparat - Prezıdent Qasym-Jomart Toqaev Qazaqstannyń ólim jazasynan bas tartýǵa baǵyttalǵan Azamattyq jáne saıası quqyqtar týraly halyqaralyq paktiniń Ekinshi fakýltatıvti hattamasyna qol qoıýyna baılanysty túsinikteme berdi, dep habarlaıdy QazAqparat.

«Jýyrda ǵana Qazaqstanda ólim jazasynan bas tartýdy qarastyratyn ekinshi fakýltatıvti hattamaǵa qosylý jóninde sheshim qabyldandy. Kezinde Tuńǵysh Prezıdentimiz tarapynan ólim jazasyna jarııalanǵan moratorıı kúshinde bolǵandyqtan, bul sheshim Konstıtýtsııaǵa tolyq saı keledi jáne Atazańǵa eshqandaı ózgeris engizý qajet emes. Shyn máninde, elimizde ólim jazasy joq. Tek Konstıtýtsııada qarastyrylǵan eki ǵana bolmashy erekshelik bar. Olar fakýltatıvti hattamanyń talabyna tolyq saı keledi «, - dedi Memleket basshysy.



Eske salaıyq, 23 qyrkúıekte Birikken Ulttar Uıymynyń shtab-páterinde Qazaqstannyń BUU janyndaǵy Turaqty ókili Qaırat Omarov ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktiniń ekinshi Fakýltatıvtik hattamasyna qol qoıdy.

Sol kúni ólim jazasyn joıý týraly halyqaralyq Hattamaǵa qosylý týraly sheshimdi Qazaqstan Prezıdenti Qasym-Jomart Toqaev BUU Bas Assambleıasynyń 75-shi mereıtoılyq sessııasynyń jalpy saıası pikirtalas barasynda sóılegen sózinde jarııalady.

Keıinnen QR Syrtqy ister mınıstrliginiń baspasóz qyzmeti Qazaqstannyń atalmysh halyqaralyq paktige qosylýyna qatysty túsinikteme berdi.

25 qyrkúıek kúni Memleket basshysy jumys saparymen Almaty qalasyna keldi.

Q.Toqaev shaharǵa saparyn I.Jekenova atyndaǵy qalalyq klınıkalyq juqpaly aýrýlar aýrýhanasynyń jańa fılıalynan bastady.

Sondaı-aq Almatynyń Indýstrııalyq aımaǵynda bolyp, qazaqstandyq «Hyundai Trans Kazakhstan» zaýytynyń iske qosylýǵa daıyndyǵyn tekserdi.



Joǵary qaraı