Aýa raıy
Astana 8 °S
Almaty 14 °S
valıýta baǵamy
USD 412.55
EUR 468.66
RUB 5.79
CNY 58.80

QR Prezıdenti qazaqstandyqtardy Qurban aıt merekesimen quttyqtady

2020 jyldyń 31 shilde 2020 08:05

NUR-SULTAN. QazAqparat – QR Prezıdenti Qasym-Jomart Toqaev qazaqstandyqtardy Qurban aıt merekesimen quttyqtady, dep habarlaıdy QazAqparat Aqordaǵa silteme jasap.

***

Qurmetti otandastar!

Barshańyzdy qasıetti Qurban aıt merekesimen shyn júrekten quttyqtaımyn!

Asyl dinimiz ben salt-dástúrimizdiń sabaqtastyǵyn bekemdep, rýhanı qundylyǵymyzdyń ajyramas bóligine aınalǵan qasterli meıramnyń kúlli musylman áleminde alatyn orny erekshe.

Tarıhymyzben tamyrlas, tanymymyzben ózektes Qurban aıt Qazaqstan halqyn beıbitshilik pen tatýlyqqa, ózara syılastyqqa, bereke-birlikke úndeıdi. Imandylyq pen parasattylyqty, jasampazdyq pen meıirimdi dáriptep, jaqsylyqqa jol ashady.

Búginde jalpy adamzatqa aýyr salmaq salyp otyrǵan qaýipti indetti jeńip shyǵý úshin bizge tas-túıin aýyzbirshilik pen temirdeı tártip qajet. Qazirgideı kúrdeli kezeńde bir-birimizge qol ushyn berip, barymyzdy bólisip, jurtymyzdyń aman-saýlyǵyn oılap, jaýapkershilik tanytýymyz asa mańyzdy. Tilegimiz bir, nıetimiz ortaq bolsa, maqsatymyzǵa jetemiz. Birligimizdi bekemdep, yntymaǵymyzdy arttyratyn bul merekeniń mán-maǵynasy da osynda ekenin basa aıtqym keledi.

«Sabyr – sáýletti baılyq» deıdi halqymyz. Rýhy asqaq el retinde barlyq synaqty eńseretinimizge senemin.

Ár shańyraqqa qut-bereke tileımin! Halqymyzdyń amandyǵy úshin shalǵan qurbandyqtaryńyz qabyl bolsyn! Qurban aıt barshamyzǵa jaqsylyq ákelsin!


Basty sózder: Qazaqstan Prezıdenti, Din,
Joǵary qaraı