Aýa raıy
Astana 0 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti Qasym-Jomart Toqaevtyń Almatyǵa saparynyń vıdeosy

2020 jyldyń 26 qyrkúıek 2020 00:13

NUR-SULTAN. QazAqparat – Qazaqstan Prezıdenti Qasym-Jomart Toqaevtyń Almaty qalasyna jasaǵan jumys saparynyń birinshi kúniniń vıdeosy jarııalandy, dep habarlaıdy QazAqparat.

Vıdeony óziniń Facebook paraqshasynda Memleket basshysynyń baspasóz hatshysy Berik Ýálı jarııalady.


Aıta keteıik, Berik Ýálı osyǵan deıin Facebook paraqshasynda Qazaqstan Prezıdentiniń jumys saparymen Almaty qalasyna kelgendigin habarlaǵan bolatyn. Onda Prezıdenttiń Almatydaǵy birqatar nysandardy aralap, qoǵam qaıratkerlerimen jáne Ulttyq qoǵamdyq senim keńesiniń múshelerimen kezdesý ótkizetini jazylǵan.

QR Prezıdenti Qasym-Jomart Toqaev Almatyǵa sapary barysynda aldymen I.Jekenova atyndaǵy qalalyq klınıkalyq juqpaly aýrýlar aýrýhanasynyń jańa fılıalyn, ondaǵy 500 adamǵa statsıonarlyq medıtsınalyq járdem berýge arnalǵan jáne zamanaýı qurylǵylarmen jabdyqtalǵan palatalardy aralap kórdi.

Budan soń Memleket basshysy Almatynyń Indýstrııalyq aımaǵynda ornalasqan energııa únemdeıtin sáýlettik qasbetter shyǵaratyn zaýyt - «KSM Tehnovıd» JShS-nyń jumysymen tanysty.

Prezıdentke kásiporynnyń ónimderi tanystyrylyp, qurylys materıaldary óndirisiniń tehnologııalyq protsesi kórsetildi. Munda 250-den astam adam jumys isteıdi. Kompanııanyń jobaǵa salǵan jeke ınvestıtsııasy 3,8 mıllıard teńge. Zaýyttyń qýaty jylyna 475 myń sharshy metr shyny paket shyǵarýǵa jetedi.

Budan ári Memleket basshysy Almatydaǵy jeńil avtomobılder shyǵaratyn qazaqstandyq «Hyundai Trans Kazakhstan» zaýytynyń iske qosylýǵa daıyndyǵyn tekserdi.

Sondaı-aq QR Prezıdenti Respýblıka alańyndaǵy qaıta jóndeýden ótken «Almaly» demalys aýmaǵyn aralap kórdi. Jańartylǵan aýmaq birneshe bólikke, atap aıtqanda, balalarǵa jáne mádenı oıyn-saýyqqa arnalǵan aımaqtarǵa bólingen. Alańǵa qazaq sýretshileri salǵan músinder qoıylyp, aýqymdy kógaldandyrý jumystary júrgizilgen.

Qazaqstan Prezıdenti sapar barysynda Almatydaǵy kópfýnktsıonaldy «SEN» mýzykalyq ortalyǵyna da bardy. Memleket basshysyna onda oqýshylardyń qashyqtan sapaly oqýyn jáne kezekshi synyptardy uıymdastyrý, sondaı-aq, muqtaj oqýshylardy planshetpen, noýtbýkpen jáne kompıýtermen qamtamasyz etý jóninde berilgen tapsyrmalardyń oryndalýy týraly baıandaldy.



Joǵary qaraı