Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti EAEO elderi azyq-túlik qaýipsizdigin qamtamasyz etetin qujatty qabyldaýyn usyndy

2021 jyldyń 14 qazan 2021 18:06

NUR-SULTAN. QazAqparat – Eýrazııalyq ekonomıkalyq odaq elderiniń azyq-túlik qaýipsizdigin qamtamasyz etetin qujat qabyldaýy qajet. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Eń aldymen azyq-túlik qaýipsizdigi máselesi. Bul problema jahandyq ózektilikke ıe bolyp otyr. Búginde Jer sharynyń árbir 10-shy turǵyny, ıaǵnı 700 mln-nan astam adam azyq-túlik jetispeýshiliginen zardap shegip otyr. Árıne, bizdiń elderimizdegi ahýal áldeqaıda jaqsy. Biraq, álemdik baǵa ósiminiń qysymyn qazirdiń ózinen-aq naryqtarymyz sezine bastady. Problema shıelenisýi jyldan jylǵa arta túsetin bolady», - dedi Qasym-Jomart Toqaev Joǵary Eýrazııalyq ekonomıkalyq keńes otyrysynda.

QR Prezıdenti buǵan jaýap retinde Eýrazııalyq ekonomıkalyq komıssııa odaq elderimen birlesip, azyq-túlik qaýipsizdigin qamtamasyz etýdiń ortaq prıntsıpteri men ádisteriniń jobasyn ázirlegendigin aıtty.

«Qujat azyq-túlik taýarlarymen qamtamasyz etýge, tapshylyq týyndaý táýekelderin tómendetýge, sonymen qatar agroónerkisip kesheninde qoldanylatyn materıaldyq-tehnıkalyq resýrstardyń ımportty almastyrýyna baǵyttalǵan is-sharalardy kózdeıdi. Bul qujatttyń mańyzdylyǵyn eskere otyryp, ony Almatyda ótetin otyrysta bekitýdi usynamyn. Qujat júıeli, is júzindegi ózara is-qımylǵa baǵyttalǵan jáne naqty áleýmettik-ekonomıkalyq nátıjeli bolý tıis», - dedi QR Prezıdenti.


Joǵary qaraı