Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

QR Prezıdenti BUU-nyń 75 jyldyǵyna oraı Antonıý Gýterrıshke jedelhat joldady

2020 jyldyń 24 qazan 2020 10:05

NUR-SULTAN. QazAqparat - Qazaqstan Prezıdenti Qasym-Jomart Toqaev Birikken Ulttar Uıymynyń 75 jyldyǵyna oraı BUU Bas hatshysy Antonıý Gýterrıshke quttyqtaý jedelhatyn joldady. QazAqparat bul týraly Aqordaǵa silteme jasap habarlaıdy.

– Búginde barlyq ulttar ótkenge kóz júgirte otyryp, BUU-nyń osy jyldar ishinde qol jetkizgen úzdiksiz ilgerileýdiń jarqyn jolyn maqtanyshpen baǵalaı alady. Tipti qazirgi, álem bastan keship otyrǵan geosaıasat pen ekonomıkadaǵy, ásirese, densaýlyq saqtaý salasyndaǵy aýyr daǵdarysty bastan ótkerip otyrǵan kezde, BUU-na mıllıondaǵan adamdar, onyń ishinde, osal toptar úlken úmitpen qaraıdy, – delingen jedelhatta.

Memleket basshysy BUU júıesiniń tıimdiligin, esep beretindigin jáne mámilegershiligin arttyrýǵa baǵyttalǵan Antonıý Gýterrıshtiń strategııasy men aınymas kúsh-jigerin tolyq qoldaıtynyn atap ótti.

– Biz Birikken Ulttar Uıymynyń Jarǵysynda bekitilgen negizgi maqsattar men qaǵıdattardyń saqtalýyna jáne qorǵalýyna tikeleı jaýaptymyz. BUU-nyń turaqty, qaýipsiz jáne ınklıýzıvti bolashaqty qamtamasyz etýge baǵyttalǵan is-qımyldaryn Qazaqstan tolyǵymen qoldaıtynyn rastaımyn, – dedi Qazaqstan Prezıdenti.

Jedelhatta Qasym-Jomart Toqaev Antonıý Gýterrıshke jáne BUU-nyń barsha qyzmetkerine ıgi bastamalarynyń tabysty bolýyna tilektestik bildirdi.


Joǵary qaraı