Aýa raıy
Astana -15 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

QR Premeri jer ýchaskesine qujat berýdi 1 jyldan 20 kúnge deıin qysqartýdy tapsyrdy

2020 jyldyń 2 jeltoqsan 2020 10:19

NUR-SULTAN. QazAqparat - Jer ýchaskelerine ruqsat qujattaryn berý merzimin 1 jyldan 20 kúnge deıin qysqartý jumystaryn aıaqtaý qajet. Bul týraly búgin Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

Asqar Mamın agroónerkásip keshenin tsıfrlandyrý jol kartasyn ázirleýdi tapsyrdy

«Aýyl sharýashylyǵy, Tsıfrlyq damý mınıstrlikterine, óńirlerdiń ákimdikterine jyldyń aıaǵyna deıin Agroónerkásip kesheni men jer qatynastaryn odan ári tsıfrlandyrý jónindegi jol kartasyn ázirleýdi tapsyramyn. Baılanys qyzmetteriniń qoljetimdiligi men sapasyna asa nazar aýdarý qajet. Sebebi onsyz zamanaýı tsıfrlyq tehnologııalardy paıdalaný múmkin emes», - dedi Asqar Mamın.

Sonymen qatar ol bıyl jerlerdi ǵaryshtan monıtorıngileý boıynsha pılottyq joba júrgizilip jatqanyn atap ótti. 2021 jyldyń aıaǵyna deıin búkil respýblıkaǵa 100 paıyz taratý úshin bul jumysty kelesi jyly da jalǵastyrý qajettigin eskertti.

«Tsıfrlyq damý, Aýyl sharýashylyǵy mınıstrlikteri men ákimdikter kelesi jyly jer qatynastaryn tsıfrlandyrý, jer ýchaskelerin esepke alý men resimdeý protsesiniń ashyqtyǵyn arttyrý, jer ýchaskelerine ruqsat qujattaryn berý merzimin 1 jyldan 20 kúnge deıin qysqartý jumystaryn aıaqtasyn»,- dedi Úkimet basshysy.


Joǵary qaraı