Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

QR Premer-Mınıstri Tatarstan Prezıdentimen kelissóz júrgizdi

2022 jyldyń 24 qańtar 2022 21:32

NUR-SULTAN. QazAqparat - QR Premer-Mınıstri Álıhan Smaıylov Qazaqstanǵa jumys saparymen kelgen Tatarstan Prezıdenti Rýstam Mınnıhanovpen kezdesti, depp habarlaı QR Úkimetiniń baspasóz qyzmeti.

R. Mınnıhanov destrýktıvti kúshterdiń ozbyrlyǵy saldarynan qaza tapqandardyń otbasylaryna qaıǵyryp kóńil aıtty, sondaı-aq elimiz úshin osyndaı qıyn sátte Qazaqstan halqyna degen qoldaýyn bildirdi.

«Tatarstan Respýblıkasy Qazaqstan men Reseıdiń strategııalyq seriktestiginde erekshe oryn alady. Qazaqstan men Tatarstan arasyndaǵy burynnan jalǵasyp kele jatqan shynaıy baýyrlastyq qarym-qatynas nyǵaıa túsýde», — dedi Á. Smaıylov.

Saýda-ekonomıkalyq, aýyl sharýashylyǵy, munaı-gaz hımııasy, ónerkásiptik kooperatsııa jáne basqa da salalardaǵy ekijaqty yntymaqtastyq máseleleri talqylandy.

Mashına jasaýda birlesken jobalardy iske asyrýǵa erekshe nazar aýdaryldy: Qaraǵandy oblysynyń Saran qalasynda jyldyq qýaty 3,5 mln kópsalaly avtokólik shınasynan 9 mln shınaǵa deıin shyǵaratyn zaýyt salý, (2022 jyly iske qosý josparlanǵan), Qostanaı qalasynda shoıyn quıý jáne jetekshi beldem redýktorlaryn óndirý zaýyttaryn salý (2023-2024 jyldary paıdalanýǵa berý josparlanǵan).

Jetekshi beldem balkalary óndirisin ulǵaıtý boıynsha birlesken jobalardy iske asyrý, sondaı-aq QR-da «KAMAZ» ınjınırıngtik zertteý ortalyǵyn qurý perspektıvasy qaraldy.

Atyraý oblysynda bıtým modıfıkatsııasynda, adgezıvter, jelimder, rezeńkeler jáne ekologııalyq taza shınalar daıyndaýda qoldanylatyn býtadıen kaýchýkterin óndirý jobasy belsendi iske asyrý satysynda tur. Jobanyń quny – shamamen $1 mlrd, iske asyrý merzimi – 2021-2025 jyldar, óndiris qýaty – jylyna 186 myń tonna býtadıen kaýchýkteri.

Qazaqstan – Tatarstannyń jetekshi sheteldik seriktesteriniń biri. 2021 jyldyń 11 aıynda ekijaqty taýar aınalymy $423,3 mln qurady. Taıaý jyldary taraptar bul kórsetkishti $1 mlrd deıin jetkizýge nıetti.


Joǵary qaraı