Aýa raıy
Astana -15 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

QR Ortalyq saılaý komıssııasy 10 sheteldik baıqaýshyny akkredıttedi

2020 jyldyń 2 jeltoqsan 2020 15:29

NUR-SULTAN. QazAqparat - QR Ortalyq saılaý komıssııasy Qazaqstan Parlamenti Májilisiniń jáne máslıhat depýtattarynyń saılaýyna 10 sheteldik baıqaýshyny akkredıttedi, dep habarlaıdy QazAqparat tilshisi.

QR OSK múshesi Anastasııa egortsovanyń aıtýynsha, «QR-daǵy Saılaý týraly» Konstıtýtsııalyq zańnyń 20-2-babyna sáıkes shet memleketterdiń, halyqaralyq uıymdardyń baıqaýshylaryn akkredıtteýdi Ortalyq saılaý komıssııasy Syrtqy ister mınıstrliginiń usynýy boıynsha júzege asyrady.

«2020 jylǵy 20 qarashada Syrtqy ister mınıstrliginiń usynýy boıynsha Ortalyq saılaý komıssııasy TMD Parlamentaralyq assambleıasynan 29 baıqaýshyny akkredıttedi. 2020 jylǵy 25 jáne 26 qarashada Syrtqy ister mınıstrliginiń 10 baıqaýshyny akkredıtteý týraly usynystary kelip tústi. Olardyń barlyǵy akkredıtteýge shyǵarylyp otyr. Usynylǵan tizimde 6 baıqaýshy TMD baıqaýshylary mıssııasynyń quramynda, 4 baıqaýshy Islam Yntymaqtastyq Uıymy mıssııasynan akkredıtteledi», - dedi A.egortsova.

Sonymen qatar ol akkredıtteýge usynystardyń kelip túsýine qaraı baıqaýshylar boıynsha derekter jańartylatynyn aıtty.

Osydan keıin QR OSK músheleri barlyq 10 baıqaýshyny akkredıtteý týraly qaýlyǵa biraýyzdan qoldap daýys berdi.


Avtor Marlan Jıembaı
Basty sózder: Saılaý, Parlament, Zań,
Joǵary qaraı