Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR Іshki ister mınıstri kıberqylmystarmen kúresti kúsheıtýdi tapsyrdy

2021 jyldyń 20 qazan 2021 11:56

NUR-SULTAN. QazAqparat - Іshki ister mınıstrliginde mınıstr Erlan Turǵymbaevtyń basshylyǵymen ІІM oqý oryndaryn damytý perspektıvalary qarastyrylǵan jedel keńes ótti.

Bul týraly QazAqparat QR Іshki ister mınıstrliginiń baspasóz qyzmetine silteme jasap habarlaıdy.

Baspasóz qyzmetiniń málmetterine qaraǵanda, qazirgi ýaqytta joǵary oqý oryndarynda 1,6 myń kýrsant oqıdy.

Keńes barysynda QR Prezıdentiniń tapsyrmalaryn jáne vedomstvolyq bilim berýdi jańǵyrtý jónindegi jol kartasyn oryndaý boıynsha esepter tyńdaldy. Polıtsııanyń «servıstik modeline», qylmystyq protsestiń úsh býyndy modeline kóshirýdi qamtıtyn oqý baǵdarlamalary men josparlary talqylandy.

Erlan Turǵymbaev basym nazar aýdarýdy talap etetin birqatar baǵyttardy belgiledi, bolashaq ІІO qyzmetkerleriniń oqý protsesin sapaly uıymdastyrýdyń mańyzdylyǵyn atap ótti, problemalyq máselelerdi qarady, olardy sheshý joldaryn anyqtady.

Osylaısha, professorlyq-oqytýshylyq quramdy jasaqtaý, onyń biliktiligin, sondaı-aq oqý oryndarynyń ǵylymı áleýetin arttyrý, ishki ister organdaryn jańǵyrtýdyń 2022-2024 jyldarǵa arnalǵan ekinshi kezeńin daıyndaý sheńberinde normatıvtik-quqyqtyq bazany jetildirý jóninde naqty nusqaýlar berildi.

Mınıstr sondaı-aq kıberqylmyskerlerge qarsy is-qımyldyń tıimdiligin arttyrýǵa baǵyttalǵan jáne kıberqaýipter táýekelderin basqarý, aqparattyq qaýipsizdik pen kıber shaýyldarǵa tózimdilikti qamtamasyz etý tásilderi, joǵary tehnologııalar salasyndaǵy qylmystarǵa qarsy is-qımyldyń ózekti problemalaryn zerdeleý jáne t. b. taqyryptardy qamtıtyn kıberqaýipsizdik boıynsha baǵyttardy kúsheıtýdiń mańyzdylyǵyn atap ótti.

Joǵary oqý oryndaryna krımınalıstıka salasynda joǵary bilikti kadrlardy sapaly daıarlaýdy qamtamasyz etý jáne polıtsııanyń «servıstik modelinde» ortalyq tulǵaǵa aınalatyn ýchaskelik ınspektorlardyń neǵurlym muqııat akademııalyq daıyndyǵyn qamtamasyz etý qajettiligi boıynsha mindetter qoıyldy.

ІІM beıindik joǵary oqý oryndarynyń tereń teorııalyq jáne praktıkalyq daıyndyqtan ótken mamandardy qalyptastyrý boıynsha óziniń kópjyldyq tarıhy bar ekenin atap ótken jón. Joǵary oqý oryndarynyń dástúri boıynsha ardagerler adaldyq, óz isine berilgendik jáne qyzmettik boryshyn janqııarlyqpen oryndaý sııaqty asyl qasıetterdi ІІO-nyń jas qyzmetkerlerine berip otyrady.

Búgingi tańda oqý oryndaryn ońtaılandyrý júrgizildi, ishki ister organdary úshin mamandar daıarlaý ІІM-niń bes oqý ornynda júrgizilýde. Jedel-izdestirý, jedel-krımınalıstıkalyq, ákimshilik-quqyqtyq jáne qylmystyq-atqarý qyzmeti, sotqa deıingi tergeý, aqparattyq júıeler, radıotehnıka, elektronıka jáne telekommýnıkatsııalar boıynsha kásibı daıarlaý fakýltetteri jumys isteıdi.

Daıyndyq joǵary oqý ornynan keıingi bilim berý fakýltetterinde magıstratýra jáne doktorantýra baǵdarlamasy boıynsha júrgiziledi. Budan basqa, jyl saıyn kadrlardyń biliktiligin arttyrý jáne qaıta daıarlaý kýrstarynan 5000-nan astam qyzmetker ótedi.

«Polıtsııa daıarlyǵynyń joǵary standarttary ǵana ІІO aldyna qoıylǵan mindetterdi tıimdi sheshýge qabiletti joǵary kásibı kadrlyq korpýs qurýǵa múmkindik beredi. Bul Mınıstrliktiń birinshi kezektegi strategııalyq mindetteriniń biri», - dep atap ótti Erlan Turǵymbaev.


Basty sózder: QR ІІM, Qylmyspen kúres,
Joǵary qaraı