Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR ІІM jol erejesiniń buzylýyn avtomatty tirkeý júıesin kúsheıtpek

2021 jyldyń 13 qazan 2021 09:37

NUR-SULTAN. QazAqparat QR Іshki ister mınıstrliginde mınıstr Erlan Turǵymbaevtyń basshylyǵymen alqa otyrysy ótti, dep habarlaıdy QazAqparat mınıstrlikke silteme jasap.

Atalǵan jıyn barysynda qurylymdyq bólinister men vedomstvolardyń basshylary Qazaqstan Respýblıkasynyń Prezıdenti Qasym-Jomart Toqaev tapsyrmalarynyń oryndalý barysy jáne ishki ister organdarynyń aǵymdaǵy jyldyń 9 aıyndaǵy jedel-qyzmettik jumysynyń qorytyndylary týraly baıandady.

Jumystyń «servıstik modeline» kóshý, polıtsııa qyzmetteriniń ashyqtyǵyn, aıqyndyǵyn jáne qoljetimdiligin qamtamasyz etý, sondaı-aq halyqpen «keri baılanys ornatý» máseleleri qaraldy.

Erlan Turǵymbaev «jurtqa jaqyn polıtsııa» qaǵıdatyn iske asyrýdyń, qoǵamdyq tártipti saqtaý úshin modýldik beketter men ýchaskelik pýnktter jelisin damytýdyń mańyzdylyǵyn atap ótti.




Qabyldanǵan sharalardyń nátıjesinde aýyr qylmystar, densaýlyqqa aýyr zııan keltirý, qaraqshylyq, tonaý, zorlaý, urlyq, mal urlyǵy, buzaqylyq sanynyń azaıýyna qol jetkizildi.

Oń úrdisterdiń ishinde kámeletke tolmaǵandar arasyndaǵy quqyq buzýshylyqtar 30 %-ǵa, mas kúıinde quqyq buzýshylyq jasaý 21 %-ǵa, qoǵamdyq oryndar men kóshelerde oryn alǵan quqyq buzýshylyqtardyń úshten birge azaıýyn atap ótý qajet. Birqatar óńirlerde otbasylyq-turmystyq qylmys aıtarlyqtaı tómendegen.

Sonymen qatar, mınıstr ınternet-alaıaqtyq sanynyń ósýine nazar aýdardy. Azamattardyń senimderin paıdalana otyryp, qylmyskerler aldaýdyń ártúrli tásilderin qoldanady. Kóbinese urlanǵan qarajat shetelge elektrondyq tólem júıeleri arqyly shyǵarylady.

«Osyǵan baılanysty QR ІІM TMD-ǵa qatysýshy memleketterdiń Іshki ister mınıstrleri keńesiniń otyrysynda elden tys, shektes memleketter aýmaǵynda jasalatyn osyndaı qylmystarǵa qarsy is-qımyl tetigin birlesip ázirleý týraly bastama jasady. Alaıaqtyq is-áreketter men túrli qarjy pıramıdalarynyń qyzmetiniń kesirinen azamattarǵa aıtarlyqtaı materıaldyq zııan keltiriledi, bul shuǵyl sharalardy talap etedi», - dep atap ótti vedomstvo basshysy.

Esirtki qylmysyna qarsy kúres jónindegi jumys jeke qaraldy. Esirtki quraldaryn ınternet arqyly jarnamalaý jáne taratý úshin jaýapkershilik kúsheıtildi. Zańsyz aınalymǵa jedel den qoıý jáne ony boldyrmaý úshin esirtkiniń jańa túrlerine tyıym salynady, esirtkiniń qylmystyq jaýaptylyq týyndaıtyn «krımınaldyq salmaǵy» tómendetiledi.

Alqa otyrysynda qaralǵan taǵy bir ózekti másele jol qaýipsizdigin qamtamasyz etý boldy. Avarııalardyń negizgi sebebi -júrgizýshilerdiń jol qaýipsizdigin saqtamaýy, olardyń kinásinen árbir besinshi JKO jyldamdyqty arttyrýǵa baılanysty, árbir segizinshi JKO joldyń qarsy qozǵalys jolaǵyna shyǵý nemese jol qıylystarynan ótý sebebi boıynsha jasalady. Sondaı-aq, jaıaý júrginshilerdiń tártibi men qaýipsizdigi máselesine erekshe nazar aýdarý qajet. Sebebi jalpy JKO-nyń, onyń ishinde ólimmen aıaqtalǵan jáne kóp adam jaraqattanǵan JKO sanynyń ósýi.

Osyǵan baılanysty Erlan Turǵymbaev joldardaǵy qaýipsizdikti baqylaýdy kúsheıtýdi, kóshe-jol jelisine tekserý júrgizýdi, jol-paıdalaný qyzmetteriniń buzýshylyqtardy joıýdy uıymdastyrýdy, jol ınfraqurylymyna jaýapty memlekettik organdarmen ózara is-qımyldy jandandyrýdy tapsyrdy.

Sonymen qatar, mınıstr beınebaqylaý júıesin keńeıtý, jol qozǵalysy erejelerin buzýdy avtomatty túrde tirkeý júıesin belsendi qoldaný jáne atalǵan buzýshylyqtar úshin jazalaýdyń bultartpastyǵy qaǵıdatyn basym baǵyt dep atady.

Birinshi kezektegi mindetterdiń biri - jeke quram arasynda zańdylyq pen tártipti saqtaý, kadr saıasatyn jetildirý, qoǵam men halyqtyń seniminen shyǵatyn polıtseıdiń «jańa formatyn» qurý.


Joǵary qaraı