Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR IIDM: Avstrııanyń bıznes ókilderi Qazaqstanmen yntymaqtastyqty tereńdetýge múddeli

2021 jyldyń 23 qyrkúıek 2021 16:04

NUR-SULTAN. QazAqparat - Avstrııa delegatsııasy qazaqstandyq bızneske Avstrııa aýmaǵynda óndirilgen kez kelgen qajetti tehnologııany tabýǵa múmkindik beretin TECXPORT jobasyn tanystyrdy, dep habarlaıdy QR Indýstrııa jáne ınfraqurylymdyq damý mınıstrliginiń baspasóz qyzmeti.

QR Indýstrııa jáne ınfraqurylymdyq damý vıtse-mınıstri Rýslan Baımıshev Avstrııanyń Tsıfrlandyrý jáne ekonomıka federaldy mınıstrliginiń Ekonomıka, ınnovatsııalar jáne halyqaralyq yntymaqtastyq departamentiniń basshysy, Qazaqstan-Avstrııa úkimetaralyq komıssııasynyń teń tóraǵasy Florıan Fraýshermen kezdesti.

Taraptar kólik salasyndaǵy yntymaqtastyqtyń, aeronavıgatsııalyq aqparatty basqarýdyń birlesken jobalaryn, sondaı-aq radıotehnıkalyq jabdyqty jetkizý perspektıvalaryn talqylady.

Avstrııa delegatsııasy qazaqstandyq bızneske Avstrııa aýmaǵynda óndirilgen kez kelgen qajetti tehnologııany tabýǵa múmkindik beretin TECXPORT jobasyn tanystyrdy.

Kezdesýge qatysýshylar Qazaqstan men Avstrııa arasyndaǵy ekijaqty qarym-qatynasty damytýdyń mańyzdylyǵyn atap ótti.

Florıan Fraýsher Qazaqstannyń Avstrııa úshin Ortalyq Azııadaǵy mańyzdy áriptes ekenin jáne ózara qarym-qatynasty tereńdetýdiń mańyzdylyǵyn atap ótti.

Vıtse-mınıstr Rýslan Baımıshev óz kezeginde Avstrııa Qazaqstannyń Eýropa Odaǵy elderindegi strategııalyq mańyzdy saýda-ekonomıkalyq áriptesi ekenine toqtaldy.

Kezdesýge QR IIDM qurylymdyq bólimsheleriniń, «Qazaeronavıgatsııa» RMK ókilderi jáne Avstrııanyń Qazaqstandaǵy Tótenshe jáne Ókiletti Elshisi Vıllı Kempel qatysty.


Basty sózder: Ekonomıka, Kásipkerlik, bıznes,
Joǵary qaraı