Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QR DSM: Vaktsınanyń ekinshi komponentin 21 kúnnen keıin saldyrýǵa bolady

2021 jyldyń 14 mamyr 2021 00:57

NUR-SULTAN. QazAqparat – QR Densaýlyq saqtaý mınıstrligi buqaralyq aqparat quraldaryndaǵy dozalar arasyndaǵy aralyqty qysqartqysy keletinderdiń ótinishinen bas tartý týraly aqparat shyndyqqa sáıkes kelmeıtinin resmı túrde málimdeıdi.

Bul týraly QazAqparat QR Densaýlyq saqtaý mınıstrliginiń resmı saıtyna silteme jasap habarlaıdy.

«Bas sanıtarlyq dárigerdiń Qaýlysynda azamattardyń ótinishi boıynsha 21-90 kún aralyǵynda vaktsına alýǵa bolady dep kórsetilgen. Ekinshi dozany birinshi vaktsınatsııa júrgizilgen jerden alý qajet ekenin atap ótken jón. Sondaı-aq, Densaýlyq saqtaý mınıstrligi vaktsınany jasaýshylardan, RǴA akademıgi, Gamaleıa ulttyq epıdemıologııa jáne mıkrobıologııa ǵylymı-zertteý ortalyǵynyń dırektory Aleksandr Gıntsbýrgten dozalar arasyndaǵy aralyqtyń ulǵaıýy ımmýndyq jaýaptyń kúshine áser etpeıtinin jáne keıbir jaǵdaılarda ımmýnıtettiń joǵary belsendiligine ákeletini týraly resmı hat alǵanyn eske salamyz»,-delingen habarlamada.

Osyǵan baılanysty «Spýtnık V» ekinshi komponentimen vaktsınalaý merzimi uzartyldy.

Bas sanıtarlyq dárigerdiń qaýlysyna sáıkes eki dozanyń arasyndaǵy aralyq 21-den 45 kúnge deıin ulǵaıtyldy, al jalpy «Spýtnık V» ekinshi komponentimen 90 kún ishinde vaktsınalaýǵa ruqsat.

«Aralyqty ulǵaıtý halyqty ımmýndaý isin aıtarlyqtaı jedeldetýge múmkindik beredi, sebebi qazirgi ýaqytta medıtsına qyzmetkerleriniń barlyq kúshteri vaktsınanyń birinshi komponentimen qamtýǵa baǵyttalǵan. Vaktsınanyń birinshi komponentin engizý 12-14 kúnnen keıin antıdeneler shyǵarýdy qamtamasyz etýge jáne 3 aptadan keıin ımmýnıtet qalyptastyrýǵa múmkindik beredi», - dep atap ótti Densaýlyq saqtaý mınıstri Alekseı Tsoı.

Bul rette, qajet bolǵan jaǵdaıda, Qazaqstan azamattary vaktsınanyń birinshi komponentin alǵan jeri boıynsha ótinish bere alady jáne 21-shi kúni ekinshi komponentti ala alady.

Esterińizge sala keteıik, KVI-ǵa qarsy vaktsınatsııa eki kezeńde júrgiziledi: aldymen I komponentpen 0,5 ml dozada, sodan keıin 45 kúnnen keıin vaktsınatsııa kúnin eseptemegende - II komponentpen 0,5 ml dozada; bul rette jekelegen jaǵdaılarda vaktsınalanýshynyń ótinishi negizinde II «Gam-KOVID-Vak» komponentimen 21 kúnnen 90 kúnge deıingi kezeńde vaktsınatsııa júrgizýge bolady.

Qazirgi ýaqytta eldiń medıtsına mekemelerinde KVI-ǵa qarsy vaktsına jetkilikti. Búgingi tańda «Spýtnık V» vaktsınasynyń birinshi komponenti – shamamen 200 myń doza, ekinshi komponent – 220 myń dozadan astam. Budan basqa, halyqty ımmýndaý úshin BAÁ «Sınofarm» kompanııasymen birlesip shyǵarǵan 28 myńnan astam doza otandyq «QazVac» vaktsınasy jáne 350 myńǵa jýyq doza «Hayat-Vax» vaktsınasy bar.

Osy aptada 400 myń dana kóleminde ekinshi komponenttiń vaktsınalary keledi dep kútilýde.

Koronavırýs ınfektsııasyna qarsy vaktsınalary elge kestege sáıkes jáne jetkilikti mólsherde jetkizilip jatyr.


Joǵary qaraı