Aýa raıy
Astana -18 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

QPL: «Qaırat» «Qyzyljarǵa» ese jiberdi

2020 jyldyń 21 qarasha 2020 17:42

NUR-SULTAN. QazAqparat - Búgin fýtboldan Premer-lıga komandalary arasynda Qazaqstan chempıonatynyń 19-týrynda taǵy úsh oıyn aıaqtaldy, dep habarlaıdy QazAqparat tilshisi.

Chempıondyq ataqqa birneshe týr buryn qol jetkizgen Almatynyń «Qaıraty» bul týrda Petropavldyń «Qyzyljar» klýbymen kezdesti. Oıyn barysynda almatylyq klýb negizinen jastarǵa senim artty. Esepti 16-mınýtta almatylyq Danııar Úsenov ashsa, oǵan 22-mınýtta petropavldyq Maksım Drachenko penaltıden bir golmen jaýap qaıyrdy.

Al 26-mınýtta Shota Grıgalashvılıdiń soqqan golynan keıin «Qyzyljar» komandasy alǵa shyqty. «Qaırat» oıynshysy Andreı Ýlshın 32-mınýtta tarazy basyn teńestirdi. Oıyn núktesin 92-mınýtta petropavldyq Tımýr Mýldınov qoıdy. «Qaırat» qarsylasynan 2:3 esebimen jeńilip qaldy.

Úzdik úshtikke umtylyp júrgen «Ordabasy» búgin oılamaǵan jerden Qyzylordanyń «Qaısar» komandasynan 0:3 esebimen jeńilip qaldy. «Qaısar» sapynan Ivan Graf 51, Ashat Taǵybergen 70, 75 mınýttarda gol soqty.

Al «Jetisý» men «Taraz» kezdesýinde tarazdyq Deıan Bolevıch jambyldyq klýbqa jeńis syılady. Osylaısha olar qarsylasynan 1:0 esebimen basym tústi.

Atalǵan týrdy «Kaspıı» jáne «Oqjetpes» komandalary qorytyndylaıdy. Oıyn elorda ýaqytymen 17.00-de bastalady.

Esterińizge sala ketelik, búgin elordalyq «Astana» «Shahterden» jeńilip qalǵan bolatyn.


Avtor Ádiljan Úmbet
Basty sózder: Sport,
Joǵary qaraı