Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

QPL: «Qaırat» «Astanadan» toǵyz upaıǵa uzap ketti

2020 jyldyń 21 qyrkúıek 2020 19:01

NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan chempıonatynyń toǵyzynshy týry máresine jetti, dep habarlaıdy QazAqparat tilshisi.

Atalǵan týrdaǵy sońǵy oıyn Petropavldyń «Qyzyljar» jáne Almatynyń «Qaırat» komandalary arasynda ótti. Kezdesý taǵdyryn sheshken gol 27-mınýtta soǵyldy. Ony «Qaırat» shabýylshysy Abat Aıymbetov óziniń enshisine jazdy.

Shabýylshy bıylǵy dop dodasyndaǵy besinshi golyn soqty. Kezdesýde «Qaırat» qarsylasynan 1:0 esebimen basym tústi.

Osylaısha almatylyq klýb altynshy oıyn qatarynan jeńiske jetip otyr. Qazir olardyń enshisinde 24 upaı bar. Ekinshi oryndaǵy «Astanadan» bes upaıǵa uzap ketti.

Bul týrdaǵy ózge oıyndarda «Oqjetpes» pen «Kaspıı» 2:2, «Ordabasy» men «Qaısar», «Astana» men «Shahter» 1:1 esebimen teń tússe, «Jetisý» «Tarazdy» 2:0 esebimen tize búktirdi.

Endi onynshy týr oıyndary 22, 23, 24 qyrkúıek kúnderi ótkiziledi.

«Tobyl» men «Oqjetpes» 22 qyrkúıekte ótkizilse, 23 qyrkúıekte «Kaspıı» men «Taraz», 24 qyrkúıekte «Jetisý» men «Shahter», «Ordabasy» men «Qyzyljar», «Qaısar» men «Astana» komandalary kezdesedi.


Avtor Ádiljan Úmbet
Basty sózder: Sport,
Joǵary qaraı