Aýa raıy
Astana -23 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

QPL: Búgin «Astana» men «Qaırat» komandalary kezdesedi

2020 jyldyń 30 qazan 2020 11:52

NUR-SULTAN. QazAqparat - Búgin fýtboldan Premer-lıga komandalary arasynda Qazaqstan chempıonatynyń 16-týrynda «Astana» men «Qaırat» komandalary kezdesedi, dep habarlaıdy QazAqparat tilshisi.

Qazir týrnır kestesinde almatylyq «Qaırat» 15 oıynnan keıin 38 upaımen kósh bastap tur. Al ekinshi oryndaǵy «Astanada» 14 oıynnan keıin 27 upaı bar. Sondyqtan búgingi kezdesýde bıylǵy jyldyń chempıony qaı komanda bolatyny anyqtalady.

Buǵan deıin eki komanda 40 márte kezdesti. Onyń 18-de «Astana» basymdyq tanytsa, 12-i «Qaırattyń» jeńisimen aıaqtaldy. Qalǵanynda teń nátıje tirkeldi.

Búgin elordalyq klýb úshin jeńis aýadaı qajet. Alda nebári 5 týr ǵana qaldy. Týrnır kestesinde «Qaırat» «Astanadan» 11 upaıǵa uzap ketti . Degenmen elordalyq klýbtyń basty qarsylasynan bir oıyny kem.

Kezdesý elorda ýaqytymen 17.00-de bastalyp, «Qazsport» telearnasynan tikeleı efırde kórsetiledi.

Jaqynda «Astanaǵa» bas bapker qyzmetine kelgen reseılik maman Andreı Tıhonov úshin búgingi kezdesý úlken synaqtyń biri bolady. Komanda jeńilgen nemese teń túsken jaǵdaıda «Qaırattyń» chempıon ataný múmkindigi arta túsedi.

Sondaı-aq, búgin atalǵan týrda «Ordabasy» men «Tobyl», «Qaısar» men «Qaspıı» komandalary kezdesedi. Erteń, 31 qazanda «Qyzyljar» men «Jetisý», «Oqjetpes» pen «Taraz» komandalary sheberlik baıqasady.


Avtor Ádiljan Úmbet
Basty sózder: Sport,
Joǵary qaraı