Aýa raıy
Astana -1 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Kózimniń qarasy: Abaıdyń áni alǵash ret japon tilinde shyrqaldy

2020 jyldyń 24 shilde 2020 17:21

NUR-SULTAN. QazAqparat - Abaıdyń áni alǵash ret japon tilinde shyrqaldy, dep habarlaıdy QazAqparat Qazaqstannyń syrtqy ister mınıstrligine silteme jasap.

Japon ánshisi Ranka «Kózimniń qarasy» ánin japon tilinde oryndap, sol arqyly qazaqstandyqtardy qazaq aqyny Abaıdyń 175 jyldyǵymen quttyqtady.

Ol sondaı-aq koronavırýs pandemııasy kezinde Qazaqstan halqyna osy synaqtan súrinbeı ótip, qalypty ómirge tez oralýyn tiledi.

Mýzykalyq kompozıtsııanyń dástúrli japon aranjırovkasy «koto» ulttyq shertpeli aspabynyń dybystalýymen «Zerosta» prodıýserlik kompanııasymen jasaldy. Ánniń sózin japon tiline «Wako» ýnıversıtetiniń professory Hırokı Sakaı aýdardy.

Jalpy ol - qazaq halqynyń folklorlyq-mıfologııalyq murasy týraly birneshe kitaptyń avtory, onyń ishinde Abaıdyń «Qara sózderin» japon tiline aýdarǵan.

«Qazaqstannyń Japonııadaǵy Elshiliginiń dostar toby izgi nıet jobasynyń maqsaty - Abaı shyǵarmashylyǵynyń kórkemdik jáne estetıkalyq mazmunyn japon tilinde jetkizý arqyly qazaq mádenıetin dáripteý» dep málim etti vedomstvodan.

Aıta keteıik, Ranka - kompozıtor, japondyq halyq jáne zamanaýı mýzykanyń oryndaýshysy, sondaı-aq «Japan Record Awards» mýzykalyq syılyǵynyń Gran-prı ıegeri.


Joǵary qaraı