Aýa raıy
Astana 22 °S
Almaty 28 °S
valıýta baǵamy
USD 412.55
EUR 465.73
RUB 5.79
CNY 58.91

Kózboıaýshylyqty qoıý kerek - Qasym-Jomart Toqaev

2019 jyldyń 14 qarasha 2019 12:15

KÓKShETAÝ. QazAqparat – Qazaqstan Prezıdenti Qasym-Jomart Toqaev jańa memlekettik ındýstrıaldy-ınnovatsııalyq baǵdarlamany daıarlaý kezinde aldyńǵy baǵdarlamalardyń qateligin eskerýdi tapsyrdy, dep habarlaıdy QazAqparat tilshisi.

«Biz bos áýrelenip, kózboıaýshylyqpen aınalyspaýymyz kerek. Jańa memlekettik ındýstrıaldy-ınnovatsııalyq baǵdarlama daıarlaý kezinde aldyńǵy baǵdarlamalardyń qateligin eskergen abzal. Jeńisterimiz jaıly eseptiń qajeti joq. Shynaıy taldaý men tıimdi áreketter kerek», - dedi Qasym-Jomart Toqaev Aqmola oblysyn damytý máseleleri jónindegi keńeste.

Prezıdent sonymen qatar, Úkimet pen Parlament depýtattarynyń, oblys ákimderiniń mindeti – Elbasynyń uzaq merzimdi Strategııasy, Ult jospary men Bes ınstıtýtsıonaldyq reformany tolyqqandy júzege asyrý ekenin eske saldy.

«Tek sonda ǵana tegeýrinder men qıyndyqtardy eńsere alamyz», - dedi ol.

Eske sala keteıik, Prezıdent Qasym-Jomart Toqaev resmı saparmen Aqmola oblysynda júr.

Joǵary qaraı