Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kovıd statsıonarlarynda em alatyn naýqastardyń sany 2,2 ese artty - DSM

2022 jyldyń 18 qańtar 2022 09:30

NUR-SULTAN. QazAqparat – Elimizde sońǵy aıda koronavırýs ınfektsııasymen aýyrý 19,6 ese artty. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Dúnıejúzin dúrbeleńge salǵan koronovırýstyń omıkron túri elimizdiń epıdemıologııalyq jaǵdaıyn ýshyqtyrdy. Qazaqstanda omıkron túri tez taralyp, búgingi kúni Túrkistan oblysyn qospaǵanda elimiz ben óńirler qyzyl aımaqqa aýysty. Eldegi epıdemıologııalyq kórsetkish koronovırýstyń omıkron túriniń taralýyn rastap otyr», - dedi mınıstr.

Máselen, onyń dereginshe, sońǵy aıda koronavırýs ınfektsııasymen aýyrý 19,6 ese, reprodýktıvtik san 2,1 ese ósti.

COVID-19-ǵa testileýdiń táýliktik kólemi 3,5 ese ulǵaıdy jáne táýligine 50 myń test jasalýda.

«Sonymen qatar, aýrý kóbeıse de, sońǵy aıda ólim-jitim az, 2,3 ese tómendedi. Kovıdtik statsıonarlarda em alatyn patsıentterdiń sany 2,2 esege, ambýlatorııalyq deńgeıde aýrýlardyń sany 5 esege artty», - dedi Ajar Ǵınııat.


Joǵary qaraı