Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qosymsha bak ornatylǵan kólikterdiń el aýmaǵyna kirýine tyıym salynbaq

2022 jyldyń 18 qańtar 2022 11:02

NUR-SULTAN. QazAqparat – Qazaqstan qosymsha bak ornatylǵan kólikterdiń el aýmaǵyna kirýine tyıym salmaq. Bul týraly búgin Úkimet otyrysynda QR Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«Qazirgi ýaqytta mınıstrlik janar-jaǵarmaı materıaldary salasyn turaqtandyrýǵa baǵyttalǵan is-sharalardy ázirledi. Onyń ishinde benzın men dızel otynyna baǵalardy memlekettik retteýdi belgileý, munaı ónimderin bólshek saýdada ótkizýge shekti baǵalardy belgileý boıynsha tıisti buıryqtar qabyldandy», - dedi mınıstr.

Onyń atap ótýinshe, búginde AI-80 markaly benzın lıtrine 89 teńge, AI-92 men AI93 markaly benzın lıtrine 182 teńge, AI-95 markaly benzın lıtrine 215 teńge jáne dızel otyny (lıtrine 230-260 teńge bolyp belgilendi.

«Mınıstrlik Eýrazııalyq ekonomıkalyq odaqqa qatysýshy kórshi eldermen salystyrǵanda baǵalardyń birdeı bolmaýyna baılanysty janar-jaǵarmaı materıaldary aǵyndaryna baqylaý júrgizý boıynsha qosymsha is-sharalar retinde mynalardy usynady: ózdiginen ornatylǵan baktary bar kóliktiń kirýine tyıym salý; tranzıttik kólikpen táýligine 1 retten artyq ótýdi shekteý; keıbir munaı ónimderin Qazaqstan Respýblıkasynan tys jerlerge eksporttyq keden bajyn tólemeı temir jol kóligimen tıep-jóneltýge tyıym salý; ýákiletti organdar tarapynan shekaralarda munaı ónimderin avtokólikpen áketýge tyıym salýdy baqylaýdy kúsheıtý avtojanarmaı quıý stantsııalarynda ımporttyq otynǵa saralanǵan baǵa belgileý múmkindigi; kóktemgi dala jumystary úshin dızel otynyn jetkizý rásimderin naqty reglamentteý; benzınder men dızel otynyn qospaǵanda, munaı ónimderi men jartylaı fabrıkattarǵa eksporttyq kedendik bajdy munaıdyń eksporttyq kedendik bajynyń deńgeıinen tómen emes ulǵaıtý múmkindigin qarastyrý», - dedi Bolat Aqsholaqov.


Joǵary qaraı