Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaılyq polıtseılerdiń kómegimen Reseıde jarylǵysh zattar tárkilendi

2021 jyldyń 18 qańtar 2021 13:55

NUR-SULTAN. QazAqparat – Qostanaı oblysynyń polıtseıleri reseılik áriptesterine jarylǵysh zattardy tárkileýge kómektesti. Bul týraly QR Іshki ister mınıstrliginiń resmı ókili Nurdildá Oraz aıtyp berdi, dep habarlaıdy QazAqparat tilshisi.

«12 qańtarda Qostanaı polıtseıleri áleýmettik jelilerdi monıtorıngileý barysynda jarylǵysh zattardyń, atap aıtqanda, trotıl qutylary men tutandyrǵysh tútikterdiń fotosýretin anyqtaǵan. Qostanaı oblysy Polıtsııa departamenti ekstremızmge qarsy is-qımyl basqarmasynyń qyzmetkerleri dereý sýretti tekserýge kiristi. Jedel-izdestirý sharalary arqyly qostanaılyq polıtseıler fotonyń Reseı Federatsııasy aýmaǵynda jasalǵanyn, yqtımal satýshynyń aty-jóni men jarylǵysh zattar saqtalǵan oryndy tapty jáne aqparatty reseılik áriptesterine joldady», - dedi Nurdildá Oraz mınıstrlikte ótken onlaın brıfıngte.

Nátıjesinde Chelıabi oblysynyń polıtseıleri tekserý jumystaryn júrgizip, 13 qańtar kúni Chelıabi oblysy Troıtsk qalasynyń 37 jastaǵy turǵynyn ustady, odan jarylǵysh zattar men jarylǵysh qurylǵylardyń komponentteri tárkilendi.


Avtor Aıjan Serikjanqyzy
Basty sózder: Qylmyspen kúres, QR ІІM,
Joǵary qaraı