Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda jylyna 45 myń tonna shoıyn quıatyn zaýyt iske qosylady

2021 jyldyń 22 qyrkúıek 2021 12:39

NUR-SULTAN. QazAqparat – Qostanaı oblysynda Reseıdiń «KAMAZ» jarııa aktsıonerlik qoǵamymen birlesip jylyna 45 myń tonna shoıyn quıatyn zaýytyn iske qosylady, dep dep habarlaıdy QazAqparat tilshisi.

QR Indýstrııa jáne ınfraqurylymdyq damý vıtse-mınıstri Marat Qarabaev Qazaqstan mashına jasaýshylarynyń ІH forýmynda osyndaı málimet aıtty.

«Sonymen qatar, Qostanaı oblysynda 2024 jyly Reseıdiń «KAMAZ» jarııa aktsıonerlik qoǵamymen birlesip jylyna 45 myń tonna shoıyn quıatyn zaýytty iske qosý josparlanýda. Odan qozǵaltqyshtar men kópir arqalyqtary jasalady. Sondaı-aq, júk tehnıkasyna arnalǵan jetekshi kópirlerdiń basty berilisterin shyǵaratyn zaýyt salynady. Onyń qýaty jylyna 65 myń dana buıym shyǵarýǵa múmkindik beredi. Bul jobalardyń bári tolyǵymen eksportqa baǵdarlanbaq», - dedi vıtse-mınıstr.

Sonymen qatar Marat Qarabaev Qaraǵandy oblysynyń Saran qalasyndaǵy shına jasaý jobasy iske qosylǵanyn eske saldy.

«Bul zaýyttyń jylyna 3,5 mln shınany shyǵara alady. Sonymen qatar, jaqyn arada óndiriletin komponentterdiń tizimin edáýir keńeıtý josparlary bar», - dedi vedomsto ókili.


Joǵary qaraı