Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda joldardy qaıta jóndeý kezinde 27 mln teńgedan astam qarjy jymqyrylǵan

2021 jyldyń 21 qazan 2021 10:00

NUR-SULTAN. QazAqparat - Qarjylyq monıtorıng agenttigi Qostanaı qalasynda joldardy qaıta jóndeý kezinde 27 mln astam teńgeni jymqyrý deregin anyqtady, dep habarlaıdy QazAqparat agenttiktiń baspasóz qyzmetine silteme jasap.

Kóp jaǵdaıda kólik joldaryn jóndeý salasynda bıýdjet qarajatyn jymqyrý jumystyń belgilengen kólemin oryndamaý nemese sapasyz oryndaý, sondaı-aq oryndalǵan jumystardyń aktilerine jalǵan málimetter engizý jolymen iske asady.

Osyndaı derekterdiń birin Qarjylyq monıtorıng agenttiginiń Qostanaı oblysy boıynsha aýmaqtyq departamenti anyqtady.

Tergeý málimetteri boıynsha, merdiger «Galara» JShS men Qostanaı qalasy ákimdiginiń turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi arasynda 612 mıllıon teńgeden astam somaǵa Qostanaı qalasynyń Naberejnaıa kóshesin qaıta jóndeý sharty jasalǵan.

«Galara» JShS Bas dırektory TKSh bólimi ınspektorynyń kómegimen is júzinde kórsetilmegen (qum-qıyrshyq tas qospasynan, usaq tastan jasalǵan negizderdiń tóseıtin jáne tegisteıtin qabattaryn ornatý boıynsha) qosymsha qyzmetter boıynsha oryndalǵan jumystardyń jalǵan aktisin usyndy.

«Jalǵan akt negizinde JShS esepshotyna 27 mıllıonnan astam teńge negizsiz aýdaryldy. Kásiporyn dırektory men bólim qyzmetkeri 5 jylǵa bas bostandyǵynan aıyryldy»,-delingen QR QMA baspasóz qyzmeti taratqan aqparatta.


Joǵary qaraı